இந்நாளில், சிலர் எந்த வித உடற்பயிற்சியும் செய்யாமல், உட்கார்ந்த வண்ணம் தங்களது வாழ்க்கையைக் கழிக்கிறார்கள்.அலுவகத்தில் பணிபுரிவோர் மற்றும் மாணவர்கள் , தினமும் குறைந்தது ஐந்து அல்லது ஆறு கிலோ மீட்டர்கள் சைக்கிளில் பயணம் செய்வது அவர்களுக்கு நல்லது என்பதே எனது அறிவுரை. இந்த சைக்கிள் பயிற்சி உங்களது உடல் நலனைப் பேணுவதில் மிகவும் பயனளிப்பதோடு, மோட்டார் வாகனங்களுக்கான உங்களது செலவையும் குறைக்கும். மற்றொரு மிகப் பெரிய பயன்,விபத்துக்களைத் தவிர்ப்பதோடு, மோட்டார் வாகனப் புகையிலிருந்து வெளிப்படும் தீங்கு விளைவிக்கும் ரசாயனப் பொருட்களால், காற்று மண்டலம் மாசடைவதையும் குறைக்க முடியும். இப்போதே, மோட்டார் வாகனங்கள் மற்றும் தொழிற்சாலைகளில் இருந்து வெளிப்படும் கரியமில வாயு, நகரங்களில் காற்றை மாசுபடுத்திக் கொண்டும், பூமிக்கு மேல் உள்ள ஓஸோன் மண்டலத்தையும் பாதித்துக் கொண்டும் இருக்கிறது. அனைத்து பஞ்ச பூதங்களும், இன்று மிகவும் மாசடைந்து விட்டன.எனவே, நீங்கள் மோட்டார் வாகனங்களைப் பயன்படுத்துவதைக் குறைக்கவும், தொழிற்சாலைகளிலிருந்து வெளிப்படும் தீங்கு விளைவிக்கும் கழிவுகளைக் கட்டுப்படுத்தவும் முயற்சி செய்ய வேண்டும். தெய்வீகத்தின் பிரதிபலிப்பான இயற்கையுடன், நீங்கள் இசைந்து பணியாற்ற வேண்டும். நீங்கள் வாழும் சுற்றுச் சூழலைப் பரிசுத்தப் படுத்துவதே உங்களது தலையாய கடமையாகும்.