ஆத்ம வித்யா மட்டுமே , மனதை ,தர்மத்தில் நிலை கொள்ள வைக்க முடியும். இங்கு மாணவர்களுக்கு, ஆத்ம வித்யாவின் ஒரு சிறு கண்ணோட்டம் அளிக்கப் படும்; அதைப் பற்றி அறிந்து கொள்வதற்கு அவர்கள் ஒரு தீவிர ஆர்வத்தை வளர்த்துக் கொள்வார்கள்.அந்த அறிவும், ஆர்வமுமே, அவர்கள் வாழ்க்கையில் பிரச்சனைகளை எதிர் கொள்ளும் போது, மிகவும் பயனுள்ளதாக இருக்கும்.பக்த பிரஹலாதன் , தன் தந்தையிடம், ‘’ எந்த ஒரு தந்தை ,தன் மைந்தனை இறைவன் பால் இட்டுச் செல்கிறாரோ, அவர் மட்டுமே அந்த பாத்திரத்திற்கான பயபக்திக்கு அருகதையுள்ளவர் ‘’ என்று கூறினான். தங்களது மகன்களை, புலனின்பங்களின் சுழற்சிக்கும், உடல் மீதான அதீத ஆர்வம் எனும் எரிமலைகளுக்கும், தற்பெருமை மற்றும் படாடோபம் எனும் புதை குழிகளுக்கும் இட்டுச் செல்லும் தந்தையர்கள்,தங்களது கடமைகள் மற்றும் பொறுப்புக்களை அறியாதவர்களே.அதைப் போலவே,ஒரே அடைக்கலம், ஒரே உறவினன், ஒரே வழிகாட்டி மற்றும் பாதுகாவலனான இறைவனிடம் இருந்து, குழந்தைகளை விலகி இருக்கச் செய்யும் எந்தக் கல்வி முறையும்,, தங்கள் மீது சார்ந்திருப்பவர்களையும் குருடர்களாக்கும், குருடர்களைக் கொண்ட ஒரு முறையே ஆகும்.