சத்தியத்தைத் தேடுவது என்பது உங்களது அன்றாட ஆன்மீக சாதனையாக இருக்க வேண்டும்;ஒவ்வொரு தருணத்தையும் இந்த முன் முதல் கடமைக்காகப் பயன்படுத்த வேண்டும்.உங்களது புத்தி , தவத்தால் பரிசுத்தப் பட்டு இருந்தால் மட்டுமே, சத்தியம் உங்களது புத்தியில் பிரதிபலிக்கும்.,உயர்ந்த நோக்கங்களுக்காகவும், ஆன்மீக தாபத்தைச் சுட்டிக்காட்டுவதற்காகவும் ஆற்றப் படும் அனைத்து செயல்கள், கடந்த காலத்தின தவறுகளுக்காக வருந்துதல், நல்லொழுக்கம் மற்றும் சுயக்கட்டுப்பாட்டைப் பற்றி ஒழுகுவதில் உறுதியான மனப்பாங்கு, மற்றும் இறுதியாக வெற்றி அல்லது தோல்வியை சாந்தமான, சமச்சீரான மனப்பாங்குடன் எதிர் கொள்வது ஆகியவையே தவம் ஆகும். தவமே, பற்றின்மை மற்றும் கட்டுப்பாட்டைப் பேணிக்காக்கிறது. வழி தவறுவதற்கான கவர்ச்சித் தூண்டுதல்கள் பெருகி விட்ட தற் காலத்தில், இந்தக் கட்டுப்பாடு மிகவும் அத்தியாவசியமாகும். மக்களின் மனதில் அறியாமை எனும் இருள் மண்டிக் கிடக்கும் இந்தக் கலி யுகத்தில், வாழ்க்கைப் படிகளுக்கு ஒளியூட்டும் எந்தச் சிறு விளக்கும் வரவேற்கப் பட வேண்டிய ஒன்றே. அதனால் தான், இறைவனது சன்னிதானத்தில் இடையறாது நிலை கொண்டு இருக்க, நற்கருமங்கள், நற்பழக்கங்கள் மற்றும் நன்னடத்தையைப்(ஸத்கர்மா, ஸதாசாரா மற்றும் ஸத் ப்ரவர்த்தனா) பற்றி ஒழுகுங்கள் என நான் உங்களுக்கு அறிவுறுத்துகிறேன்.