ஒரு பாத்திரத்தில் சிறிது தண்ணீர் இருக்கும் போது, அந்தப் பாத்திரம் நகர்ந்தால், அந்தத் தண்ணீரும் நகரும். பாத்திரம் நகராமல் இருந்தால், தண்ணீரும் நிலையாக இருக்கும்; நீங்கள் உங்கள் சொந்த உருவத்தை அதில் காண முடியும் !ஆனால் அந்தத் தண்ணீர் ஊசலாடினால், உங்கள் உருவமும் கூட ஆடும். அதைப் போலவே, தியானம் செய்வதற்கு, நீங்கள் உடலை அசையாமல் வைத்திருக்க வேண்டும். உங்கள் உடலே பாத்திரம் போன்றது; உங்கள் மனமே அதில் உள்ள தண்ணீர் போன்றது.உங்கள் உடல் அசையுமானால், உள்ளே உள்ள உங்கள் மனமும் கலக்கம் அடையும்.எனவே, உங்கள் முதுகை நேராகவும், உடலை அசையாமலும் வைப்பதன் மூலம், உங்கள் மனதைக் கட்டுப்படுத்தி அதை நிலையாக வைத்திருங்கள். குண்டலினி சக்தி, முதுகுத் தண்டின் அடியில் உள்ள மூலாதாரத்திலிருந்து, தலையின் உச்சியில் இருக்கும் ஆயிரம் இதழ்களைக் கொண்ட சக்தி பீடமான ஸஹஸ்ரார சக்கிரத்திற்கு பிரயாணம் செய்கிறது. எனவே, தலை,கழுத்து மற்றும் உடல் நேராக, எந்த வளைவும் இன்றி இருக்க வேண்டும். இது மாணவர்களுக்கும், சாதகர்களுக்கும் மிகவும் முக்கியமானதாகும். நான் அடிக்கடி மாணவர்களைக் கேட்பதுண்டு , ‘’ நீங்கள் கற்பது ( STUDY ) எதற்காக ? கலங்காமல் ( STEADY ) இருப்பதற்காக’’. இளமைப் பருவத்திலிருந்தே, உங்கள் உடலைக் கட்டுப் பாட்டில் வைத்திருங்கள்;நீங்கள் வாழ்க்கையில் மிகவும் பயனுள்ள பலவற்றை சாதிக்க முடியும் !