உங்களது விலை மதிக்க முடியாத முயற்சிகள் இருந்தாலும் கூட, ஆன்மீக முன்னேற்றத்தைத் தடுக்கும் இரண்டு விதமான தடைகள் உள்ளன. முதலாவது. உங்களை நீங்கள் மற்றவருடன் ஒப்பிட்டுப் பார்ப்பது. இது மிகவும் தவறாகும். எந்த இரண்டு நபர்களும் ஒன்று போல் இருப்பதில்லை. ஒரே மாதிரியாக இருக்கும், இரட்டையர்கள் கூட தனிப்பட்ட வழிகளில் வளருகிறார்கள்.கோடிக் கணக்கான மனிதர்கள் இந்த உலகில் இருக்கிறார்கள்; ஆனால் ஒவ்வொருக்கும் என்று ஒரு தனிப்பட்ட முத்திரையை அளித்துள்ளது யார்? அதுவே இறைவனின் மாட்சிமையாகும். இறைவன், அவர்களுக்கு என்று ஒரு தனிப்பட்ட இயல்பு, குணம், திறன் மற்றும் விதியோடு, ஒவ்வொரு மனிதனையும் சிருஷ்டிக்கிறான். அப்படி இருக்கும் போது, எவரும், தன்னை பிறருடன் எவ்வாறு ஒப்பிட்டுப் பார்த்து உவகையோ அல்லது உளைச்சலோ கொள்ள முடியும்? நீங்கள் மற்றவர்களை விடச் சிறந்தவர்கள் என்று எவ்வாறு தற்பெருமை கொள்ள முடியும்? இரண்டாவது தடை, நாம் நமது தவறுகளை நியாயப் படுத்தி, நமது குற்றங்களுக்குக் காரணம் கற்பித்து, அவற்றை நேராக எதிர் கொண்டு, அவற்றைத் திருத்திக் கொள்ளும் பொறுப்பைத் தவிர்ப்பதை வழக்கமாகக் கொண்டிருக்கிறோம். இந்த இரண்டு மனப்பாங்குகளும் ஒருவரது அறியாமையை அதிகரித்து, மேலும் தவறுகளை உருவாக்குகிறது. ஒவ்வொருவருக்கும், இறைவனே மூலாதாரம். இறைவன் மூலமாக வந்துள்ள நாம் அனைவரும் சொந்த பந்தங்களே என்பதை நினைவில் கொள்ளுங்கள் !