இறைவனை வழிபட்டு, அவனுக்கு, அஹிம்ஸை ( அஹிம்ஸா), புலனடக்கம் ( இந்திரிய நிக்ரஹம்),அனைத்து ஜீவரசிகளிடமும் கருணை ( ஸர்வு பூத தயா ), சகிப்புத் தன்மை ( க்ஷமா), மன அமைதி ( சாந்தி), தவம் ( தபஸ்), தியானம் ( த்யானா), மற்றும் வாய்மை ( சத்யம் ) என்ற எட்டு விதமான மலர்களை அர்ப்பணம் செய்யுங்கள். நீங்கள் பிற மலர்களை அர்ப்பணிக்கும் போது, இப்போதெல்லாம், பக்தி, நீங்கள் உங்களது பூஜை அறைக் கதவைத் தாண்டும் வரை கூட நிலைத்திருப்பதில்லை! ஒருவர் அந்தக் கதவின் படியைத் தாண்டியவுடனேயே, கோபம், த்வேஷம் மற்றும் கவலை ஆகியவை உங்களை ஆட்கொண்டு, உங்களைத் தாழ்த்தி விடுகிறது. இந்த எட்டு மலர்கள் எடுத்துக் காட்டும் குணநலன்களை வளர்த்துக் கொள்ளாமல், நீங்கள் இறை அருளை எவ்வாறு பெற முடியும்? வருடம் 364 நாட்களும், அசத்திய நாராயண விரதத்தைக் ( பொய்மையை) கடைப்பிடித்து விட்டு, 365 வது நாள் சத்திய நாராயண விரதத்தைச் செய்வதால், என்ன நல்லதைப் பெற முடியும் என நீங்கள் நம்புகிறீர்கள் ? உங்களை நீங்கள் சாயியின் பக்தர்கள் எனக் கூறிக் கொள்வதால், நீங்கள், இந்த எட்டு வித நற்குண நறுமலர்களை அபிவிருத்தி செய்து கொண்டு, அதை இறைவனுக்கு அர்ப்பணிப்பதன் மூலம், அந்த உரிமையை உண்மை என நிரூபியுங்கள்.