ப்ரேமையுடன் , ப்ரேமையில், ப்ரேமைக்காக, வாழுங்கள். பின்னர், நீங்கள் எதையும் கேட்காமலேயே, ப்ரேமஸ்வரூபனான இறைவன், உங்களுக்குத் தேவையான அனைத்தையும் அருளிடுவான். அவன் அனைத்தும் அறிந்தவன்; பாலூட்ட, குழந்தையின் அழுகுரலுக்காகக் காத்திராத தாயைப் போன்றவன், அவன். அவனது ப்ரேமை அளவற்றது, ஆழமானது.அவன் ஒவ்வொரு தேவையையும் எதிர்பார்த்து, அவசியமான உதவியுடன் ஓடி வருபவன். நீங்கள் அனைவரும், நீங்கள் கொண்டு வந்துள்ள, கோரிக்கைகளின் நீண்ட பட்டியலை என்னிடம் சமர்ப்பிக்க, நான் எப்போது உங்களுக்கு ‘’ இன்டர்வியூ’’ தர ஆரம்பிக்கப் போகிறேன் என்று தெரிந்து கொள்ள கவலையுடன் காத்திருக்கிறீர்கள். இந்த கோரிக்கைகள் நீண்டு கொண்டே போகின்றன; அவற்றிற்கு முடிவே இல்லை. ஒன்றை திருப்தி செய்வது , அது மற்றும் ஒரு புதிய தொடர்ச்சிக்கு இட்டுச் செல்கிறது. அவனது ஸங்கல்பம் மட்டுமே முக்கியமானது; நீங்கள் அவனது கரங்களில் ஒரு கருவியே என்ற நிலையை எட்டப் பாடுபடுங்கள். எப்போது, நீங்கள் உங்களை இறைவன் பால் கொண்ட ப்ரேமையால் நிரப்பிக் கொள்கிறீர்களோ அப்போது உங்களுக்கு ஸாரூப்யத்தையும் ( இறைவனை ஒத்த ரூபம்), ஸாயுஜ்யத்தையும் (இறைவனுடன் ஒன்றரக் கலத்தல் ) பெற்று விடுகிறீர்கள். பிற தாழ்ந்த வெற்றிகளுக்கு அல்லாது, அந்தப் பேரானந்த நிலைக்காகப் பாடுபடுங்கள்.