உடல், மனம் மற்றும் உணர்வுகள் என்ற அனைத்தும் நன்றாக இயங்கும் ஒரு மனிதனாகப் பிறந்து விட்டால் மட்டும் போதாது. ஒழுங்கற்ற வடிவில் இருக்கும் ஒரு கல், ஒரு சிற்பியிடம் வந்த பிறகு, அதை அவர் கையாளுவதைப் போல, நீங்களும் , உங்கள் பகுத்தறியும் புத்தியைப் பயன் படுத்தி,அவற்றை, பூரணத்துவத்திற்குக் கொண்டு செல்ல வேண்டும். தெய்வத்துடன் உங்களுக்கு உள்ள உறவு, உங்களுள் உறையும் தெய்வீகம் மற்றும் உங்களது அளவற்ற ஆற்றலைப் பற்றிய விழிப்புணர்வு உங்கள் ஒவ்வொருவருக்கும் இருக்க வேண்டும். இதை நீங்கள், உங்களது விவேகம் மற்றும் வைராக்யத்தைப் பயன்படுத்துவதன் மூலம் ,தெரிந்து கொள்ளலாம். அனைத்து விலங்கினப் படைப்புக்களிலும், மனிதனுக்கு மட்டுமே இந்தத் திறன் உள்ளது. இந்த விழிப்புணர்வுக்கான ராஜபாட்டையை குரு எடுத்துக் காட்டுகிறார்; தங்களுக்குத் தகுதி இருக்கிறது என்று தம்பட்டம் அடித்துக் கொள்ளும் பல லக்ஷக் கணக்கான, ‘குருமார்கள் ‘’ ஒவ்வொருவருக்கும் இந்த உரிமை இருப்பதில்லை. ஏனெனில், ‘’ கு-ரு ‘’ என்ற வார்த்தைக்கு, தன்னுள் எந்த விதமான இருளும் இல்லாதவர் என்பது பொருளாகும் ! நீங்கள் சிரத்தையுடன் இருந்தால், இறைவனே உங்களை வழி நடத்துவார். மனம் தளராதீர்கள்; தைரியமாக பீடு நடைபோடுங்கள். ஒவ்வொரு தருணத்தையும், ஏதாவது ஒரு ரூபத்தில், இறைச் சிந்தனைகளால் நிரப்ப முயலுங்கள்.