ஸ்ரீமத் பாகவதம் போன்ற புனித நூல்களை நன்கு அறிந்தவர்ககள் இந்த உலகில் இல்லாமல் இல்லை ; ஆனால், அவர்கள் கற்றது எதுவானாலும், அவர்களது பாண்டித்யம் எப்படி இருந்தாலும், அவர்கள் கற்றதில் ஒரு பங்கையாவது அவர்கள் கடைப்பிடிக்க வில்லை என்றால், அவர்கள் வெறுமனே நேரத்தை வீணடித்துக் கொண்டார்கள் என்றே ஆகும். எல்லா பாண்டித்யமும், அறிவும், நடைமுறைப் படுத்தப் படவில்லை என்றால் பயனற்றவையே. இந்த உதாரணத்தை எடுத்துக் கொள்ளுங்கள் ; ஒரு கழுதை தனது முதுகில் வாசனை த்ரவியங்களை ஏற்றிக் கொண்டு செல்வதால், அது யானை ஆகி விட முடியுமா? நீங்கள் பல புத்தகங்களிலிருந்து கற்றுக் கொண்டதால், பிறருக்கு கற்றுவிக்கும் திறன் உங்களிடம் இருக்கக் கூடும். ஆனால் நீங்கள் கற்றவை எல்லாம், நீங்கள் அவற்றைக் கடைப்பிடிக்கவில்லை என்றால், முழுமையாக பயனற்றவையாக ஆகி விடும். உண்மையில், சிந்தனைகள், சொற்கள் மற்றும் செயல்கள் ஒன்றாக இருக்குமானால், ஒருவர் மஹாத்மா எனப்படுகிறார். அதனால் தான், ‘’ மனித குலத்தைச் சரியாகப் புரிந்து கொள்ள வேண்டும் என்றால், தனி மனிதனைப் புரிந்து கொள்ள வேண்டும் ‘’ எனப்படுகிறது.