நீங்கள் காட்டில் இருக்கலாம், ஆனால் உங்கள் மனம் , கடைத்தெருவில் திரியக் கூடும்.அதைப் போலவே, நீங்கள் கடைத் தெருவில் இருக்கலாம், ஆனால், ஆன்மீக சாதனையின் மூலம், கடைத் தெருவின் ஆரவாரங்களுக்கு இடையிலும் உங்கள் இதயத்தில் அமைதி மற்றும் சாந்தியைத் தக்க வைத்துக் கொள்ள இயலும். உங்கள் மனம் ஒரு அமைதியான சரணாலயத்தைக் கட்டலாம் அல்லது உங்களை ஒரு சிக்கலான பந்தத்தில் கட்டுண்டு கிடக்கச் செய்யலாம். அது பந்தத்தில் பிணைக்கிறது; அது பந்தங்களை விடுவிக்கவும் செய்கிறது. உங்களது தோணியில் ஓட்டைகள் இல்லாமல் இருந்தால், நீங்கள் ஸம்ஸார சாகரத்தை பத்திரமாகக் கடக்கலாம்; ஆனால், காம, க்ரோத, மோஹ, லோப, மத, மாத்ஸர்யங்கள் என்ற ஓட்டைகளின் வழியே உலக வாழ்க்கையின் தண்ணீர் தோணியில் புகுந்து, அதை நீரில் ஆழ்த்தி, உங்களையும் காப்பாற்ற முடியாத அளவு மூழ்கடித்து விடும். இந்த ஒட்டைகளை அடைத்து விடுங்கள் ! பின்னர் நீங்கள் இந்த ஸம்ஸார சாகரத்தில் பயணிக்கப் பயப்பட வேண்டியதில்லை; அது தரும் அனைத்து வாய்ப்புக்களால், உங்களது பரிவை பரவலாக்கி, அனுபவங்களை ஆழ்மைப் படுத்தி, உங்களது பற்றின்மையை பலப்படுத்தி, உங்களது புலன்களுக்கு பயிற்சி அளித்துப் பயன் பெறலாம்.