சுய நலத்தின் சுவடுகளே இல்லாத, உண்மையான ப்ரேமை விலை மதிக்க முடியாத ஒன்றாகும். அது பரிசுத்தமானது, களங்கமற்றது, மாறாதது. அது தன்னிச்சையானதும், எப்போதும் வளர்வதும், ஒருபோதும் குறையாததும் ஆகும். இறைவனது ப்ரேமையும் இப்படிப் பட்டதே; தன்னிச்சையானதும், தன்னலமற்றதும். எப்போதும் பரிபூரணமானதும் ஆகும். சுயநலத்தால் உந்தப்படும், மனிதரின், சாதாரணமான ப்ரேமை, கால, தேச வர்த்தமானங்களைப் பொறுத்து மாறி விடும் ! பரிசுத்தமான ப்ரேமை சத்தியத்தின் கவசத்தை அணிந்து கொண்டு, பொறாமை அல்லது த்வேஷத்திற்கு, அவை எவ்வளவு சக்தி வாய்ந்ததாக இருந்தாலும், அடிபணியாமல் இருக்கும். அனைத்து எதிர்மறையானவற்றையும் மீறி நிற்பது ப்ரேமையே. நல்ல மற்றும் தெய்வீகமான பாதையை நீங்கள் பின்பற்றும் போது, நீங்கள் பல இன்னல்களையும், குழப்பங்களையும் சந்திக்க நேரிடலாம். சந்தேகங்களும், கேள்விகளும் கூட எழும்பக் கூடும். இன்னல்களை எதிர் கொண்டு, துன்பங்களை சகிப்புத் தன்மை மற்றும் மன உறுதியோடு பொறுத்துக் கொண்டால் மட்டுமே, நீங்கள் தெய்வீக ப்ரேமையைப் புரிந்து கொள்ள முடியும். துன்பங்களும், துயரங்களும், சந்தேகங்களும், ஏமாற்றங்களும் உங்களை ஆக்ரமித்துக் கொள்ள, ஒருபோதும், அனுமதிக்காதீர்கள். இறைநம்பிக்கை, தன்னம்பிக்கை ஆகியவற்றுடன், தெய்வீக ப்ரேமையைப் பெறப் பாடுபடுங்கள். பரிசுத்தமான ப்ரேமையின் , மாற்றும் திறன், எல்லையற்றதாகும் !