அசுரனான ராவணன், தெய்வமும் ( ராமா ), ஆசையும் ( காமா), ஒன்றாக மனதில் குடி இருக்க இயலாது என்பதைக் கண்டு கொண்டான். இறை நாமஸ்மரணையிலும் ,அந்த நாமத்தின் மஹிமையிலும் ,உறுதியான நிலைபாட்டை அபிவிருத்தி செய்து கொள்ளுங்கள்.பின்னர், இந்த உலகனைத்துமே, ‘’ தீயதைச் செய் ‘’ என்று சொன்னால் கூட, நீங்கள் அதற்குப் பணிய மாட்டீர்கள்; உங்களது தேஹமே, அதை எதிர்த்துப் போராடும். உலகனைத்துமே தவிர்த்து விடச் சொன்னாலும் கூட, நீங்கள் சரியானதைச் செய்வதை வற்புறுத்துவீர்கள். உங்களது தேஹமே, தெய்வத்தின் ஒரு ஆலயம்; அந்த தேஹத்தின் அதிபதி, அதை உணர்ந்தாலும், உணராவிட்டாலும், ஒவ்வொரு தேஹத்தினுள்ளும் தெய்வம் குடி கொண்டுள்ளது. உங்களை நற்செயல்களைப் புரியுமாறு உத்வேகம் அளிப்பதும், தீயவற்றிற்கு எதிராக எச்சரிப்பதும் ,தெய்வமே. அந்தக் குரலுக்கு செவிமடுங்கள்.அந்தக் குரலுக்கு பணிந்து நடந்து கொண்டால், உங்களுக்கு எந்தத் தீங்கும் நேராது. நீங்கள் , உடல், புத்தி, ஞானம் மற்றும் நடத்தை என்ற நான்கு விதமான சக்திகளை அபிவிருத்தி செய்து கொள்ள வேண்டும். பின்னர், நீங்கள் அசைக்க முடியாதவர்களாக, ஆன்மீக வெற்றியின் பாதையில் பீடு நடை போடுவீர்கள் !