ஒரு முறை, ஒரு தலை சிறந்த ஓவியர், ஒரு இளவரசரிடம் , அவரது அரண்மனைச் சுவரில், ஒரு சுவரோவியம் வரைய முன் வந்தார் ; அவர் பின்னாலேயே, இன்னொரு ஓவியர் வந்து, முதலாமவர் என்ன ஓவியம் வரைகிறாரோ, அதை அப்படியே, அதனது எதிர் சுவரில், தன்னால் வரைய முடியும் என்று அறிவித்தார் ! இளவரசர், அந்த ஓவியர்களுக்கிடையில், அவர்கள் வரையும்போது, ஒரு தடித்த திரையைப் போடுமாறு பணித்தார். இருவரும் தத்தம் பணியைத் துவக்கினார்கள். இரண்டாவது மனிதர், தனது பணியை, முதலாமவர் முடித்த அதே தருணத்தில், முடித்து விட்டார். இளவரசர், வந்து, அந்த சுவரோவியத்தைப் பார்த்து, மிகவும் பாராட்டினார்.பின்னர், அவர் அந்தத் திரையை விலக்குமாறு கட்டளை இட்டார்; என்ன ஆச்சரியம், அந்த சுவரோவியத்தின் எதிரில் இருந்த சுவரில்,முதல் மனிதர் மிகுந்த முயற்சியுடன் தீட்டிய அந்த ஓவியத்தின், அதே மாதிரியான நகல் இருந்தது ! துல்லியமான அதே ஓவியம் – ஏனென்றால், அந்த இரண்டாவது ஓவியர், அந்தச் சுவரை மெருகேற்றி, அதை ஒரு மிகச் சிறந்த பெரிய கண்ணாடியாக மாற்றி இருந்தார் ! அதைப் போலவே, நீங்களும்,, இறைவனது மஹிமை அவற்றில் பிரதிபலிப்பதற்கும், அவன் தனது சொந்த பிம்பத்தை அவற்றில் காணும் அளவிற்கும், உங்கள் இதயங்களை, தெளிவானதாகவும், பரிசுத்தமாகவும், சீரானதாகவும் ஆக்கிக் கொள்ள வேண்டும்.