நான் உங்களது பக்தியை நாடவில்லை; நான் விரும்புவது எல்லாம் உங்களது மனமாற்றத்தை மட்டுமே.இந்த மனித உடலின் நோக்கம் பிறருக்கு சேவை ஆற்றுவதே ( பரோபகாராய இதம் சரீரம் ) என்பதை நீங்கள் புரிந்து கொள்ள வேண்டும். பிறருக்குப் பயனளித்து, அவர்களுக்கு சந்தோஷத்தைக் கொடுக்கக் கூடிய செயல்களில் உங்களை ஈடுபடுத்திக் கொள்ளுங்கள். சேவையின் பாதையில் செல்வதற்கு உறுதி எடுத்துக் கொள்ளுங்கள். தவத்தாலோ அல்லது புனித யாத்திரைகளாலோ அல்லது வேதங்களைப் படிப்பதாலோ அல்லது பக்தியாலோ மட்டும் ஸம்ஸார ஸாகரத்தைக் கடக்க இயலாது என, வேதங்கள் போதிக்கின்றன. பக்தர்களுக்கு சேவை ஆற்றுவதன் மூலம் மட்டுமே, நீங்கள் ஆத்ம சாக்ஷாத்காரத்தை அடைய முடியும். சேவையின் பாதை, மற்ற அனைத்து ஆன்மீக சாதனைகளான ஜபம், தியானம் மற்றும் யோகம் ஆகியவற்றை விட உயர்ந்ததாகும். சேவையினால் மட்டுமே, நீங்கள் இறைவனை மகிழ்விக்க முடியும். சிலர், பக்தி என்ற பெயரில், அர்த்தமற்ற செயல்களில் ஈடுபட்டு, அவர்களது காலத்தை வீணடிக்கிறார்கள். உண்மையான பக்தி என்பது, காலத்தைப் புனிதப் படுத்தும் செயல்களில் ஈடுபடுவதில் தான் இருக்கிறது. நான், உங்களை, இந்த உலகனைத்திற்கும், பெரிய அளவில் சேவை செய்யுங்கள் என்று கூறவில்லை. நீங்கள், இறைவனை இதயத்தில் கொண்டு, உங்களால் முடிந்த அளவு , ப்ரேமையுடன் சேவை செய்தாலே போதுமானதாகும்.