வாழ்க்கை வாழ விரும்புகிறீர்கள். அதன் பிறகு, நீங்கள் குழந்தைகள் வேண்டும் என்றும், அவர்கள் புத்திசாலிகளாகவும், வாழ்க்கையில் சிறந்து விளங்க வேண்டும் என்றும் ஆசைப்படுகிறீர்கள். இப்படிப் பட்ட ஆசைகளுக்கு எல்லையே இல்லை. மனதிற்கு அளவுக்கு மீறிய சுதந்திரம் அளிப்பதே பந்தத்தில் கட்டுண்டு விடுவதற்கு முக்கியமான காரணமாகும். உதாரணமாக, ஒரு மாட்டை, ஒரு கம்பத்தில் கட்டி வைத்தால், அதனால் மற்றொரு இடத்திற்குச் சென்று, அதைப் பாழடிக்க முடியாது. அது கோபம் அல்லது வன்முறையைக் காட்டவோ அல்லது எவருக்கும் தீங்கிழைக்கவோ முடியாது. ஆனால், அதைக் கட்டாமல் அவிழ்த்து விட்டிருந்தால், அது வயல்களில் எல்லாம் திரிந்து, பயிர்களை நாசமாக்கி, மற்றவர்களுக்கு நஷ்டத்தையும், தீங்கையும், இழைக்க முடியும். அது செய்யும் தீங்கிற்கு அது அடி வாங்குகிறது. அதைப் போலவே, மனமும் சில விதிமுறைகள் மற்றும் வரம்புகளுக்கு உட்பட்டு இருக்க வேண்டும். ஒருவர், ஒரு சில வரைமுறைகள் மற்றும் கட்டுப்பாடுகள், மேலும் குறிப்பிட்ட விதிகள் மற்றும் ஒழுங்கு முறைகளுக்குள் வாழும் வரை, ஒரு நல்ல பெயரை நிலைநாட்டி, ஒரு சந்தோஷமான மற்றும் பயனுள்ள வாழ்க்கையை வாழ முடியும்.