உங்களது சொந்த தேவைகள் மற்றும் விருப்பங்களின் மீது ஒரு துறவு மனப்பாங்கினை வளர்த்துக் கொள்ளுங்கள். ஒவ்வொன்றையும், அத்தியாவசியமானதா என்ற உரைகல்லில் பரிசோதித்துப் பாருங்கள். உங்களது வீடுகளில் நீங்கள் பொருட்களைக் குவித்து வைக்கும் போது, நீங்கள் இருட்டு மற்றும் தூசியை மட்டுமே ஊக்குவிக்கிறீர்கள்; அதைப் போலவே, உங்கள் மனதிலும் மிக அதிகமான விஷயங்களைத் திரட்டி சேமித்து வைத்துக் கொள்ளாதீர்கள். இலகுவாகப் பயணம் செய்யுங்கள். உயிரைப் பாதுகாக்கவும், ஆரோக்யத்தைப் பேணுவதற்கும் எவ்வளவு தேவையோ, அந்த அளவு மட்டுமே வைத்துக் கொள்ளுங்கள். பருப்பு, சுவையாக இருப்பதற்கு எவ்வளவு உப்பு தேவையோ அவ்வளவு தான் இருக்க வேண்டும்; அதாவது அளவுக்கு அதிகமாக உப்பைப் போட்டு அதனைக் கெடுத்து விடாதீர்கள். வாழ்க்கையும், நீங்கள் அளவுக்கு அதிகமான ஆசைகளை வைத்துக் கொண்டால்,தாங்குவதற்கே மிகவும் கடினமானதாகி விடும். உங்களது சக்திக்கு ஏற்ற அளவே, உங்களது ஆசைகளை வரையறுத்துக் கொள்ளுங்கள்; அவற்றிலும் கூட நிரந்தரமான சந்தோஷத்தைத் தருபவற்றை மட்டுமே வைத்துக் கொள்ளுங்கள். படாடோபம் மற்றும் சமூக ஒப்புதலின் பின்னால் தறி கெட்டு ஓடி, உங்களது வசதிகளை, பழுது செய்து கொள்ள முடியாத அளவு பாதித்துக் கொள்ளாதீர்கள். மேலும், உங்களது ஸ்வதர்மம் மற்றும் வாழ்க்கையில் நீங்கள் அடைந்துள்ள நிலையை முறைப்படுத்தும் நெறிமுறைகளை, பற்றி ஒழுகுங்கள்.