ஆன்மீக முதல் வகுப்புப் பாடப் புத்தகத்தில் உள்ள, இந்த முதல் பாடத்தில் இருந்து தொடங்குங்கள். அதை நூறு தடவைக்கு மேல் படித்து, அதன் அனைத்து ஸ்லோகங்கள் மற்றும் இது வரை அவற்றைப் பற்றி எழுதப்பட்ட எல்லா பாஷ்யங்களையும் மனப்பாடம் செய்து, ஸ்ரீமத் பகவத் கீதையைக் கரைத்துக் குடித்து விட்டதாக, நீங்கள் வெறும் தம்பட்டம் அடித்துக் கொள்ளாதீர்கள். ஸ்ரீமத் பகவத் கீதை போதிக்கப் பட்ட கோடிக் கணக்கானவர்களில், அர்ஜூனனுக்கு மட்டுமே, இந்த பிரபஞ்சம் இறைவனது அளவிட முடியாத மாட்சிமையின் ஒரு பகுதி வெளிப்பாடே, என எடுத்துக் காட்டும் விஸ்வரூப தரிசனம் கிட்டியது; இந்த மஹா பண்டிதர்களுக்கு ஏன் அப்படிப் பட்ட அனுபவம் கிட்டவில்லை? இந்த உண்மை நிலையைப் பற்றிய உணர்வு, அதைப் பெறத் தகுதி உள்ளவர்களுக்கு மட்டுமே கிடைக்கும்.இந்த போதனை ஆரம்பித்த போது, அர்ஜூனன் சரணாகதியின் மிக உயர்ந்த நிலையை எட்டியிருந்ததோடு, தலை சிறந்த ஏகாக்ரதா அல்லது மனக்குவிப்பைப் பெற்றிருந்தான். அவன் ஆசீர்வதிக்கப் பட்டதில் ஆச்சரியம் ஒன்றுமில்லை.. நீங்களும், அதே அளவு சரணாகதி, அந்த தாபம், மற்றும் அந்த மனக் குவிப்பைப் பெற்றிரா விட்டால், அர்ஜூனன் பெற்ற அதே முடிவை, நீங்கள் எப்படி எதிர் பார்க்க முடியும் ?