இந்நாளில், ஒவ்வொருவரும், தாங்கள் சாந்தி, பாதுகாப்பு மற்றும் சந்தோஷத்தை இழந்து விட்டோம் என்று புலம்புகிறார்கள். எல்லா இடத்திலிருந்தும் ஒரு உரத்த ஆரவாரம் இருந்து கொண்டு இருக்கிறது.ஆனால், யாராவது, ஏன் இந்த அவலம் நிகழ்ந்தது என்பதைக் கண்டு பிடிக்க விழைகிறார்களா? காரணம் என்ன என்றால், ‘’ சொல்வதற்கும், செய்வதற்கும் இடையில் ஒரு இசைவே இல்லை’’.இல்லங்கள், கிராமங்கள், அலுவலகங்கள், நாட்டினுடைய சட்ட மன்றங்கள் என்ற அனைத்திலும் பாசாங்குத் தனம் மலிந்து கிடக்கிறது. இறைநாமத்தை உச்சரித்துக் கொண்டு ஜபமாலையை உருட்டும் சிலரும் கூட, பாவகரமான செயல்களில் ஈடுபடுகிறார்கள்.கையில் ஸ்ரீமத் பகவத் கீதையை வைத்துக் கொண்டு, அவர்கள், அவதூறுகளைப் பேசவும், தீய திட்டங்களைத் தீட்டவும் செய்கிறார்கள்.ஜப மாலையை விரல்களில் உருட்டிக் கொண்டே, அவர்கள் வேலைக்காரர்களைத் திட்டவும், சின்ன சின்ன விஷயங்களுக்கு எல்லாம் அவர்கள் மீது எரிந்து விழவும் செய்கிறார்கள். இது விரதமோ அல்லது ஆன்மீக கட்டுப்பாடோ அல்ல !ஆத்மார்த்தமாக இருப்பதைப் போலக் காட்டிக் கொள்ளும் ஒரு உண்மையான பக்தன், இடையறாத கவனத்துடனும், எப்போதும் தெய்வ சன்னிதானத்தில் இருப்பதற்கான கட்டுப்பாட்டைக் கடைப்பிடித்துக் கொண்டும் இருத்தல் வேண்டும். உங்களது அந்தராத்மாவில் உறையும் தெய்வத்தை உணர்ந்து, அதை, உங்களது ஒவ்வொரு செயலிலும், தெய்வீக காந்தி பிரதிபலிக்கும் அளவிற்கு எழுச்சி பெறச் செய்ய வேண்டும்.