ராவணனுடைய மந்திரிகள், அவனுக்குப் பிடித்தவற்றை மட்டுமே பேசினார்கள்; அவர்கள் அச்சம் கொண்டிருந்தனர்;எனவே அவர்கள் அபாயகரமான ஆலோசகர்கள் என்பதை நிரூபித்தார்கள்.அவனுடைய தம்பியான விபீஷணன் மட்டுமே, அவனை குணப்படுத்த வல்ல மருந்தைத் தந்தான்; ஆனால் அது, பிடிக்காத ஒன்றாக இருந்ததால், ராவணன் அதை நிராகரித்து, அழிவிற்கு ஆளானான். நான் கொண்டு வரும் அறிவுரை இதுவே- இது வலிமை, சாந்தி, நம்பிக்கை மற்றும் பூரணத்துவத்தை அளிக்க வல்லது. இந்த அறிவுரை பிடித்தமானதாக ( ப்ரியம் ) இல்லாமல் இருக்கலாம்; ஆனால், கண்டிப்பாக பயனளிப்பதாக( ஹிதம் ) இருக்கும். ஒரு நோயாளி, மருந்துகளை எடுத்துக் கொண்டு, அதற்கான பயனளிக்க வல்ல பத்தியத்தையும் கடைப்பிடிக்க வேண்டும்; ஒருவர் இனிப்பான மருந்துகள் , மற்றும் அவர்களுக்குப் பிடித்த, சௌகரியமான பத்தியம் தான் வேண்டும் எனக் கேட்க முடியாது. மருத்துவர் அவருக்கு நல்லது எது என்பதை அறிவார்; குணமடைவதற்கு, அதற்குக் கீழ்ப்படிந்து தான் ஆக வேண்டும்.மனித குலத்தின் க்ஷேமம் மற்றும் மனித மோக்ஷத்தில் மட்டுமே அக்கறை கொண்டிருந்த, ரிஷி முனிவர்களால், கடுமையான தவம் மற்றும் முயற்சியின் மூலம் பெறப்பட்டதால், வேதங்களும், சாஸ்திரங்களும், நற்பயன் அளிக்கும் ஹிதத்தின், தலைசிறந்த பெட்டகங்கள் ஆகும்.