சேவாதளத் தொண்டர்களாகிய நீங்கள், உங்களது பயனாளிகள் உங்களைப் போற்றினாலும் சரி அல்லது தூற்றினாலும் சரி, உங்களுக்குக் கொடுக்கப் பட்ட பணிகளை, சந்தோஷமாக ஆற்றுங்கள். ஏனெனில்,நீங்கள் உங்களுக்கே தான் சேவை ஆற்றிக் கொள்கிறீர்கள், அவர்களுக்கு அல்ல என்பது நினைவில் இருக்கட்டும் ! புகழ்ச்சியோ அல்லது இகழ்ச்சியோ, அவற்றை சமமான அமைதியோடு ஏற்றுக் கொள்ளுங்கள். உடல் பற்றுதல் கொண்டவர்கள் மட்டுமே குதூகலம் அடையவோ அல்லது பாதிக்கப் பட்டதாக உணரவோ செய்வார்கள் ! நினைவிருக்கட்டும், நீங்கள் உள்ளுறையும் தேஹியே அன்றி, தேஹம் அல்ல- இது ,நன்கு சேவை ஆற்றுவதற்கு, உங்களுக்கு ஆற்றல் அளிக்கும்.சேவை ஆற்றும் போது, இந்த குறிப்பிட்ட பணிதான் உங்களுடையது, மற்றது அல்ல என்று வாதம் செய்யாதீர்கள்; எல்லைகள் மற்றும் வரையறைகளைப் பற்றி பிடிவாதம் கொண்டவர்களாக இருக்காதீர்கள். சந்தோஷனமான கூட்டுறவில், ஒருவருக்கு ஒருவர் உதவியாகவும், அனுகூலமாகவும் இருங்கள். ஒரு இலட்சிய ஆன்மீக நட்பு வட்டத்தினராக, அனைவருக்கும், ஊட்டமும், உற்சாகமும் அளித்து செயலாற்றுங்கள். மேலும், உங்களுக்குக் கொடுக்கப் பட்டதை விட அதிகமான சுமையை எடுத்துக் கொள்ளாமலும், மற்றவர்களது பணியில் குறுக்கிடாமலும் அல்லது பிறரை விமரிசிக்காமலும் இருங்கள். வன்மம், பொறாமை அல்லது போட்டி மனப்பாங்கிற்கு உங்கள் இதயத்தில் இடமே இருக்கக் கூடாது. ஒன்றுமே இல்லாத இடத்தில், குறைகளைக் கண்டு பிடிக்கத் துடிக்காதீர்கள். இது தவறான பாதையில் செல்லும் உற்சாகம் ஆகும். அதற்கு பதிலாக, சாந்தி, சந்தோஷங்களைப் பரப்புங்கள் !