இறைவன் உங்களிடமிருந்து வேறுபட்டவன் அல்ல.இறைவன் ஆலயங்களில் மட்டும் தான் இருக்கிறான் என்ற எண்ணத்தில் இருக்காதீர்கள். இந்த உடலே ஆலயம், இறைவனே உள்ளுறையும் தெய்வம் ( தேஹோ தேவாலய ப்ரோக்தோ ஜீவோ தேவ ஸனாதன:). எனவே, இறைவனைத் தேடிக்கொண்டு நீங்கள் எங்கும் செல்லத் தேவையில்லை. உங்களது திருஷ்ட்டியை உள்நோக்கித் திருப்புங்கள். பின்னர், சச்சிதானந்த ஸ்வரூபனான இறைவனை நீங்கள் காண்பீர்கள். உடல் மீது கொண்டுள்ள அதிகப்படியான பற்றுதலின் காரணமாக , நீங்கள் மாயையில் மூழ்கிக் கொண்டு இருக்கிறீர்கள்.உடல் பற்றை விடுத்து, இறைவன் பால் பற்றுதலைக் கொள்ளுங்கள். பின்னர், நீங்களே , தெய்வமாகி விடுவீர்கள். தெய்வமும் , மனிதர்களும் ஒருவரை விட்டு ஒருவர் வேறுபட்டவர் அல்ல. அவர்கள் பிம்பமும், பிரதிபிம்பமும் போன்றவர்கள். இறைவன் ஒவ்வொருள்ளும் உறைகிறான். இறைவன் உள்ளிருப்பதால் தான், இந்த உடல் எனும் ஆலயம், அசைந்து திரிய முடிகிறது. வேதங்கள் – சத்யம், ஞானம், அனந்தம் ப்ரம்மா ( பரப்ரம்மம், சத்யம், ஞானம் மற்றும் அளவற்றதும் ஆகும் ) என வெளிப்படுத்துகின்றன. பரப்ரம்ம தத்துவத்தைப் புரிந்து கொண்டு அனுபவிப்பதற்கு, நீங்கள் சத்யம் மற்றும் ஞானத்தின் பாதையைப் பற்றி ஒழுக வேண்டும்.