அனைத்து எதிர் மறையான சிந்தனைகளையும் விட்டு விடுங்கள். நேர்மறையான சிந்தனைகளை மேன் மேலும் அபிவிருத்தி செய்து கொள்ளுங்கள். இந்தப் பாதையில் சிலர் உங்களை விமரிசிக்கக் கூடும்: அதுவே நீங்கள் சீரடைவதற்கான வாய்ப்பாகும் ! இப்படிச் சிந்தியுங்கள், ‘’ என் பெற்றோர்கள் ஒரு பெயர் வைத்தார்கள், நண்பர்கள் வேறு ஒரு பெயுர் வைத்தார்கள், மற்றவர்கள் எனக்கு ஒரு பட்டப் பெயர் கொடுத்தார்கள் ! இந்த உடலுக்கு பல நாமங்கள், அவ்வளவு தான் !’’ யாரோ ஒருவர் உங்களைக் கெட்டவர் என்று கூறுவதால், நீங்கள் கெட்டவரராக ஆகி விடுவீர்களா? இல்லையே ! அவர்கள் உங்களைக் கெட்டவர் என்று கூறினால், உங்களுள் தீய குணங்கள் இருக்குமானால், அவை இல்லாமல் இருக்க முயலுங்கள். யாராவது, உங்களுள் ஒரு குறையைச் சுட்டிக் காட்டினால், அது உங்களிடம் இருந்தால், அதிலிருந்து விடு பட முயலுங்கள் – அவ்வளவு தான் !’’ விமரிசனத்தை, நேர்த்தியாகக் கையாளுங்கள்.ப்ரேமையின் திருவுருவங்களே! இந்தக் கலி யுகத்தில், மனிதர்கள் தங்களது ஆசைகள் நிறைவேறவில்லை என்றால், இறைவனைக் கூடக் குறை கூறுகிறார்கள் ! எவரையும் வெறுக்காதீர்கள், எவரையும் தூஷிக்காதீர்கள்; முடிந்த அளவு அனைவரையும் நேசியுங்கள்; அது முடியவில்லை என்றால், குறைந்த பட்சம் எவரையும் வெறுக்காதீர்கள். பகவான், அனைவரும் ஒருமை மற்றும் ஒற்றுமை உணர்வை வளர்த்துக் கொள்ள வேண்டும் என்று விரும்புகிறேன்.