ப்ரேமை இன்றியமையானது; தெய்வீகமானது.ஒரு செயலை, தெய்வத்திற்கு அர்ப்பணம் செய்வதற்குத் தகுதியானதாகவும், அவனது அருளைப் பெறும் அளவிற்குப் பரிசுத்தமானதாகவும் ஆக்க வேண்டும் என்றால், அது ப்ரேமையின் ஒரு வெளிப்பாடாக இருக்க வேண்டும். ப்ரேமை, தீமையினால், விஷமாக்கப் படாமல், பராமரியுங்கள். த்வேஷம் மற்றும் அனைத்து விதமான பாரபட்சங்கள் அற்ற ப்ரேமையை அபிவிருத்தி செய்து கொள்ளப் பாடுபடுங்கள். அனைத்து மதங்களின் ஆணி வேரும்,அனைத்து சாஸ்திரங்களின் சாரமும், அனைத்து மார்க்கங்களின் ஒன்று சேரும் இடமும், அனைத்து மனிதர்களின் உத்வேகமும், ப்ரேம தத்துவமே. மனித வாழ்க்கைப் பணிக் குறிக்கோளின் அசைக்க முடியாத அஸ்திவாரமும் ப்ரேமையே. உலக சாந்தி மற்றும் உலக க்ஷேமத்தை உறுதி செய்யும் ஜோதியும் அதுவே. உங்களது ஒவ்வொரு சொல் மற்றும் செயலை ப்ரேமையால் நிரப்பிடுங்கள்.உங்களது நாவிலிருந்து வெளிப்படும் வார்த்தை, கத்தியைப் போல குத்தாமலும், அம்பைப் போல புண்படுத்தாமலும், சம்மட்டியைப் போல அடிக்காமலும் இருக்க வேண்டும்.அது இனிய அமுதத்தின் ஒரு ஊற்றாகவும், ஒரு ஆறுதல் அளிக்கும் வேதாந்த ஞான அறிவுரையாகவும், ஒரு இதமான மலர் பாதையாகவும் இருக்க வேண்டும். அது சாந்தி, சந்தோஷங்களைப் பொழிய வேண்டும்.