அனைத்து ப்ரேமையின் மூலாதாரமும் தெய்வமே; அதை விட அதிகமாகவோ, அதைவிடக் குறைவாகவோ இல்லாது, இந்த உலகை இறைவனின் அங்கியாக பாவித்து நேசியுங்கள். ப்ரேமையின் மூலம் நீங்கள், ப்ரேம ஸாகரத்துடன் ஒன்றரக் கலக்க முடியும். அற்பத்தனம், வெறுப்பு மற்றும் துயரத்தை குணப்படுத்த வல்லது ப்ரேமையே. ப்ரேமை, பந்தங்களைத் தளர்த்தி, மனிதனை பவசாகரத்திலிருந்து காக்கிறது. ப்ரேமையின் திருஷ்ட்டியில், அனைத்து பொருட்களும் அழகானவையே, அனைத்து செயல்களும் அர்ப்பணிப்புக்களே, அனைத்து சிந்தனைகளும் குற்றமற்றவைகளே. நீங்கள் அனைவரும் தெய்வீக ப்ரேமையின் பெட்டகங்களே; அதைப் பகிர்ந்து கொண்டு, பரப்புங்கள். அந்த ப்ரேமையை சேவைப் பணிகளிலும், பரிவான சொற்களிலும், கனிவான சிந்தனைகளிலும் வெளிப்படுத்துங்கள். நீங்கள் தூக்கத்திலிருந்து விழித்தெழும்போது, நீங்கள் கண்ட கனவு, பல ஆண்டுகளில் நிகழ்ந்த சம்பவங்களே, சில நிமிடங்களிலேயே நிகழ்ந்தவையாகத் தோன்றுகின்றன என்பதை எவ்வாறு உணருகிறீர்களோ, அவ்வாறே, இந்த குறுகிய ’’ கனவு வாழ்க்கையிலிருந்து ‘’ நீங்கள் ஞானத்தில் விழிக்கும் போது, இந்த வாழ்க்கையும் ஒரு நிலையற்ற சம்பவம் என்றே தோன்றும். எனவே, எப்போதும் சந்தோஷமாகவே இருங்கள்; அப்போது தான் மரணம் வரும்போது, நீங்கள் துக்கத்தில் புலம்பாது, ஒரு புன்முறுவலோடு, இதை விட்டுச் செல்ல முடியும்.