இறைவன் லக்ஷக்கணக்கான திரு நாமங்களைக் கொண்டவன். மனிதனால், அனைத்து மொழிகளிலும், அனைத்து ரூபங்களிலும் வர்ணிக்கப் படும் அனைத்து திரு நாமங்களும் ஒரே இறைவனைத் தான் குறிக்கின்றன; அனைத்து இதயங்களும் ஒரே இறைவனால் தான் உந்தப் படுகின்றன; அனைத்து மதங்களும் ஒரே இறைவனைத் தான் போற்றுகின்றன; அவனை வழிபடுவதற்கான மிகச் சிறந்த வழி ப்ரேமையே என்பதில் நம்பிக்கை வையுங்கள். அனைத்து இனங்கள் , நாடுகள் மற்றும் கண்டங்களைச் சேர்ந்த மனிதர்களிடையே ஏகாத்மா பாவத்தை வளர்த்துக் கொள்ளுங்கள். நான் கொண்டு வந்துள்ள ப்ரேமை உபதேசம் அதுவே. நீங்கள் இதயத்தில் ஏற்றுக் கொள்ள வேண்டும் என நான் விரும்பும் உபதேசமும் அதுவே.ப்ரேமையைப் பேணுங்கள், ப்ரேமையில் வாழுங்கள், ப்ரேமையைப் பரப்புங்கள் –அதிக பட்சம் பயனளிக்கக் கூடிய ஆன்மீக சாதனையும் அதுவே. நீங்கள் இறை நாமஸ்மரணை செய்யும் போது,அவனது கம்பீரம்,அவனது கருணை, அவனது மாட்சிமை, அவனது காந்தி,அவனது சன்னிதானம் ஆகியவற்றை நினைவில் கொள்வது,உங்களுள் ப்ரேமையை வளரச் செய்யும். அது மிக ஆழமாக வேறூன்றி, அதன் கிளைகள் விசாலமாகப் பரவி, நண்பரானாலும், விரோதியானாலும், அனைருக்கும் குளிர்ந்த நிழலை தந்து விடும்.ப்ரேமையை அபிவிருத்தி செய்து கொண்டு, ப்ரேமையைப் பகிர்ந்து கொள்ளுங்கள்.