திறன்கள் நிரம்பிய, தலை சிறந்த சாதனைகள் சாதிக்க வல்ல , இந்த மனித உடல், இறைவன் உங்களுக்கு அளித்த பரிசாகும். பிறப்பிற்கும், இறப்பிற்கும், பந்தத்திற்கும், மோக்ஷத்திற்கும் இடையே இருக்கும், இந்த அமைதியே அற்ற ஸம்ஸார சாகரத்தைக் கடக்க வல்ல தோணியாக இதைப் பயன்படுத்துங்கள். உங்கள் உடல் மற்றும் மனத் திறன்கள் ஆர்வத்துடனும், உங்கள் புத்தி, கூர்மையாகவும் இருக்கும் போதே, இந்தத் தலையாய கடமையை ஆற்ற விழித்தெழுங்கள். இந்தத் தோணியில் பயணிப்பதைத் தள்ளிப் போடாதீர்கள்; ஏனெனில், இது வெகு விரைவில் வியாதிகளால் நிறைந்து, உங்கள் கவனம் அனைத்தும், அதைப் பராமரிப்பதிலேயே செலவிட வேண்டி, வந்து விடக் கூடும். மோக்ஷத்தின் கரையை அடைந்தவுடன் உங்களுள் பொங்கி எழப் போகும் இணையற்ற ஆனந்தத்தை எண்ணிப் பாருங்கள் ! ஸம்ஸார சாகரத்தின் சீறி எழும் தண்ணீரில் பத்திரமாகப் பயணியுங்கள்; ஒரு சாக்ஷியாகவும், செயல்களின் பலனுக்காக ஏங்காமலும், அனைத்து செயல்களின் விளைவுகளை இறைவனது ஸங்கல்பத்திற்கே விட்டு விட்டும் இருங்கள். செயலாற்றுபவன் அவனே; நீங்கள் அவனது கருவியே.ஆன்மீக சாதனையைக் கடைப்பிடித்து, வெற்றி அல்லது தோல்வியால் பாதிக்கப் படாமல், கலக்கமற்ற சாந்தியில் நிலை கொண்டிருங்கள்.