நீங்கள் இறைவனைக் காண வேண்டும் என்று விரும்பினால்,நீங்கள் இந்த உடல் அல்ல என்பதை உறுதியாக நம்ப வேண்டும். உங்களை,இந்த உடலோடு இனம் கண்டு கொள்வது ஒரு மாயையே.வெளியில் காண்பது அனைத்தும் ஒரு பிரதிபலிப்பே அன்றி உண்மை அல்ல. நீங்கள் எதைக் கண்டாலும், நீங்கள் யாரைச் சந்தித்தாலும்,ஒவ்வொரு ரூபத்தையும் தெய்வீகத்தின் வெளிப்பாடே அன்றி வேறில்லை எனக் கருதுங்கள். ‘’ நான்’’, ‘’ நீ’’ என்ற பேதங்களுக்கு இடம் அளிக்காதீர்கள்.நீங்கள் எங்கு நோக்கினாலும், இறைவனது சிருஷ்ட்டியில் அனைத்தும், ப்ரதிச் செயல். பிரதிபலிப்பு, மற்றும் பிரதித்வனியே. நீங்கள், ஒரு கண்ணாடியைப் பார்த்து விட்டு , கண்ணாடியில் நீங்கள் இருப்பதாகக் கூறுகிறீர்கள். உண்மையில் நீங்கள் அந்தக் கண்ணாடியில் இல்லை. உங்களுடைய பிரதிபலிப்பே கண்ணாடியில் தோன்றுகிறது. ஒரு குன்றின் பின்னால் சென்று நீங்கள், ‘’ ஹலோ’’ என்று உரக்கக் கத்தினால், யாரோ ஒருவர், அதே வேகத்துடன், உங்களை உடனே திருப்பிக் கத்துவதைக் கேட்பீர்கள். உண்மையில், அந்தக் குரல் உங்களுடையதே அன்றி வேறு ஒருவருடையதும் அல்ல. நீங்கள் வெளியில் காணும் அனைத்தும், உங்களது அந்தராத்மாவின் பிரதிபலிப்பே.