சங்கராந்தி, மிருகங்கள் ,பறவைகள், இயற்கை மற்றும் குடியானவனிலிருந்து, கோமகன் வரை அனைவருக்கும் மிகுந்த ஆனந்தத்தை அளிக்கிறது. சங்கராந்தி, புனித காலமான உத்தராயணத்தின் ( சூரியனின் வடக்கு நோக்கிய பயணம் ) ஆரம்பத்தைக் குறிக்கிறது.நாமங்கள் பலவாக இருக்கலாம், ஆனால், இந்தப் பண்டிகை மாநிலம்,மதம் மற்றும் தேசங்களின் பாகுபாடு இன்றி அனைவராலும், ஆனந்தமாகக் கொண்டாடப் படுகிறது. நீங்களும் கூட, வளம் மிகுந்த புஷ்யமாதத்தின் வருகையை வரவேற்று,உங்களது உள்ளார்ந்த ஆனந்தத்தை வெளிப்படுத்தி , அதை பிறருடன் பகிர்ந்து கொள்வதன் மூலம், அதன் உண்மையான உணர்வோடு , சங்கராந்தியைக் கொண்டாட வேண்டும். ‘ க்ராந்தி’’ என்ற வார்த்தைக்கு ‘’ மாற்றம் ‘’ என்று பொருள். இது, துக்கத்திலிருந்து சந்தோஷத்திற்கும். அசாந்தியிலிருந்து, சாந்திக்கும், துன்பத்திலிருந்து இன்பத்திற்கும் ஒரு மாற்றம் ஏற்படுவதைக் குறிக்கிறது. மகிழ்ச்சியை ஒரு கடையில் வாங்கவும் முடியாது, உலகியலான வழிகளிலிருந்து பெறவும் முடியாது.அது உள்ளிருந்து பரிமளிக்க வேண்டும். ‘’ உங்கள் நாளை அன்புடன் தொடங்குங்கள், அன்பால் நிரப்புங்கள்,அன்புடன் முடியுங்கள். இதுவே இறைவனை அடையும் வழியாகும் ‘’ இதை நீங்கள் கடைப்பிடித்தால், நீங்கள், துன்பங்கள் மற்றும் கஷ்டங்களால் பாதிக்கப்படாமல் எப்போதும் சந்தோஷமாகவே இருப்பீர்கள்.