பகவான் ஸ்ரீகிருஷ்ணரின் தலை சிறந்த பக்தரான சைதன்ய மஹாப்ரபு, ‘’ இறைவனை எப்போதும் சிந்தித்துக் கொண்டு இருங்கள்.அவனது திருநாமத்தை உச்சரித்துக் கொண்டே இருங்கள். இந்த உலகில் இறைவனை அன்றி வேறு எதுவும் இல்லை.’’ என்று கூறினார். அவர், பகவான் ஸ்ரீ கிருஷ்ணரது மாட்சிமையை, தெருவெல்லாம் பாடிக் கொண்டு சென்றார். சில துஷ்டர்கள், அவரது பெருகி வரும் புகழைக் கண்டு பொறாமை கொண்டு, அவரது கைகளிலிருந்த ஜால்ராக்களை பறித்துக் கொண்டு சென்று விட்டனர். அதன் பிறகு, அவர் இறைவனது திருநாமத்தைப் பாடும் போது,ஒரு மத்தளத்தை வாசிக்க ஆரம்பித்தார். அந்த மத்தளமும், துஷ்டர்களால் உடைக்கப் பட்டது. ஆனால் அவர் சிறிதும் கவலைப் படவில்லை. இறைவனது திருநாமத்தைப் பாடுவதற்கு வாத்தியங்கள் தேவை இல்லை எனக் கருதி, தனது கைகளைக் கொட்டிக் கொண்டே, பஜனைகளைப் பாட ஆரம்பித்தார். பின்னர் அவர்கள் அவரை கண்மூடித்தனமாக தாக்கினார்கள்.அவரது உடலிலிருந்து இரத்தம் பெருக்கெடுத்து ஓடியது;ஆனால் சைதன்யர், அமைதியாக இறைவனது திருநாமத்தை விடாமல் பாடிக் கொண்டு இருந்தார்; சில நிமிடங்களிலேயே எல்லா வலியும், ரத்தக் கசிவும் அற்புதகரமாக மறைந்து விட்டன ! ஒரு சீரிய குறிக்கோளைத் தொடரும் ஒருவருக்கு வாழ்க்கையின் துன்பங்கள் ஒரு தடையே இல்லை என்பதை நினைவில் கொள்ளுங்கள்.எவ்வளவு துன்பங்களும், துயரங்களும் இருந்தாலும், அவர்கள் அமைதியாக இருந்து, இடையறாது இறைவனை தியானித்த வண்ணம் இருப்பார்கள் !