எனது அன்பார்ந்த மாணவர்களே, உங்களது பெற்றோரை நேசியுங்கள். அவர்களது கட்டளைகளுக்கு அடிபணியுங்கள். உங்களுக்கு உணவூட்டமும், படிக்க வைக்கவும், உங்களை வாழ்க்கையில் முன்னேற்றவும், உங்களது பெற்றோர்கள் கடுமையாக உழைக்கிறார்கள். உங்களை நல்ல நிலையில் வைக்கவும்,நல்ல உணவு, உடை, மற்றும் கல்வியை அளிக்கவும் அவர்கள் மிகவும் சிரமப் படுகிறார்கள்.இப்படிப் பட்ட பெற்றோரை நீங்கள் மதிக்கவில்லை என்றால், உங்களை சமூகம் மதிக்கும் என்று எவ்வாறு நீங்கள் எதிர்பார்க்க முடியும்? உங்களது நடத்தையின் மூலம், நீங்கள் உங்களது பெற்றோர்களுக்கு ,சந்தோஷத்தை அளிக்க வேண்டும். நீங்கள் உயர்ந்த பட்டங்களைப் பெறும் போது,அது அஹங்காரத்தை ஊக்குவிக்கிறதே அன்றி, பணிவையும், பெற்றோர்கள் மற்றும் பெரியவர்களின் மீது மரியாதையும் அல்ல. எனவே, பணிவு, மரியாதை மற்றும் பயபக்தி போன்ற குணங்களை, அயர்வின்றி அபிவிருத்தி செய்து கொள்ளுங்கள். அதன் பிறகே, நீங்கள் நாட்டின் நல்ல பிரஜைகளாக ஆக முடியும்.ஒவ்வொருவரும் மிக உயர்ந்த நிலையை அடைய வேண்டும் என்ற அவசியம் இல்லை. ஆனால் ஒவ்வொருவரும் நல்ல குடிமகன்களாக ஆவது முக்கியம். பெயரும், புகழும் இன்று வரும், நாளை போகும். ஆனால் நல்ல பெயர் என்றும் நிலைத்து நிற்கும். எனவே, ஒரு நல்ல பெயரை ஈட்டுங்கள். இறைவனை என்றும் எண்ணி, அவனது அருளைப் பெறுங்கள். கண்டிப்பாக, உங்களது ஜன்மங்கள் சாபல்யமடையும் !