பதஞ்சலி முனிவர், யோகாவை, சித்த வ்ருத்தி நிரோத, அதாவது, மனதின் கலக்கங்களைக் கட்டுப்படுத்துவது என்று வர்ணிக்கிறார். எப்போது, உங்கள் மனம் அசைவற்றும்,ஆசைப் புயலால் உருவாகும் அலைகள் இன்றியும் இருக்கிறதோ, அப்போது, நீங்கள் ஒரு யோகி ஆகி விடுகிறீர்கள் ! பகவான் ஸ்ரீகிருஷ்ணர், யோகீஸ்வரர் என்று ஸ்ரீமத் பகவத் கீதையில் அழைக்கப் படுகிறார் ; ஏனெனில், அவரே, மேற்பரப்பை கலங்க வைக்கும் அலைகளால் பாதிக்கப் படாது இருக்கும், சாகரமாவார். பகவான் ஸ்ரீகிருஷ்ணரே, தனது இளமையில், காளிங்க நர்த்தனம் புரிந்து, அந்தப் பாம்பு தனது விஷத்தைக் கக்குமாறு செய்தார்! இதன் உட்பொருள், புலனின்பங்கள் என்ற விஷப்பாம்பை, தீங்கற்றதாகச் செய்தார் என்பதாகும். வெறும் சுவாசக் கட்டுப்பாடாக மட்டும் இல்லாமல், உங்களை,புலனடக்கத்தைப் பயில வைக்கும் யோகாவே, அந்த யோகேஸ்வரனை அடைவதற்கான மிகச் சிறந்த வழியாகும். ‘’ பலர்- என்ற-உணர்வைக்’’ ( அநேகத்வ பாவ) கடந்து, ‘’ ஒன்றே என்ற- உணர்வை ‘’ (ஏகத்வ பாவ ) அபிவிருத்தி செய்து கொள்ளுங்கள் ! அதுவே, போராட்டம்,துக்கம், வேதனை மற்றும் தற்பெருமையை அழிக்க வல்லது. ஒரே மின்சாரத்தால், ஒளியூட்டப் பட்டாலும், பல வண்ணங்களும், வெளிச்சமுமாகத் திகழும் மின் விளக்குகளைப் போல, அனைத்தையும், ஒரே இறைவனின், பல வெளிப்பாடுகளாகக் கருதுங்கள்.