நீங்கள் இறைவனுடனேயே, இடையறாது வாழும் ஆன்மீக சாதனையைக் கடைப்பிடித்தால்,கண்டிப்பாக வெற்றி பெறுவீர்கள் என்பதை பகவான் ஸ்ரீகிருஷ்ணர் எடுத்துக் காட்டினார். அவனை, உங்களது சாரதியாக எடுத்துக் கொள்ளுங்கள்; அவன், கடுமையான எதிர்ப்புக்களின் இடையிலும், உங்களை வழி நடத்திச் செல்வான். அவனுக்கு வேண்டுபவர்கள் அல்லது வேண்டாதவர்கள் என்று எவரும் இல்லை. நெருப்பைப் போல, தனதருகில் உள்ள அனைவருக்கும் அவன் தனது இதமான அரவணைப்பை அளிக்கிறான். இந்த அரவணைப்பை உங்களால் உணர முடியவில்லை என்றால், அவனை குறை கூறாதீர்கள்; உங்களையே நொந்து கொள்ளுங்கள் ! ஹிரண்யகசிபு, ‘’அவன் எங்குமே இல்லை ‘’ என்றான். எனவே, இறைவன் அவனுக்கு எங்கும் தென்படவில்லை.பக்த பிரஹலாதன் , ‘’ அவன் எங்கும் உள்ளான் ‘’ என ஆணித்தரமாக நம்பினான்; அவன் கூறியதை நிரூபிக்க, இறைவன் தூணிலிருந்து தோன்றினான். இறைவன். அதிலிருந்து வெளிப்படுவதற்காக, தூணிற்குள் ஓடி ஒளிந்து கொள்ளவில்லை ! எல்லாவற்றிலும் இருப்பதைப் போலவே, இறைவன் எப்போதும் அதிலும் இருந்தான் ! அவன் தன்னை அதிலிருந்து வெளிப்படுத்திக் காட்டிக் கொண்டான், அவ்வளவு தான் ! நானும் அவ்வாறே ; நீங்கள் என்னை ஏற்றுக் கொண்டு, ‘’ ஆமாம் ‘’ என்று சொன்னால், நானும். ‘’ ஆமாம், ஆமாம்,ஆமாம் ‘’ என பதிலளிப்பேன். நீங்கள் என்னை மறுத்து, ‘’ இல்லை ‘’ என்று சொன்னால், நானும் ‘’ இல்லை ‘’ என்றே எதிரொலிப்பேன். வாருங்கள், ஆராயுங்கள், அனுபவியுங்கள், நம்பிக்கை கொள்ளுங்கள். அதுவே என்னிடமிருந்து பயன் பெறுவதற்கான மிகச் சிறந்த வழியாகும்.