நீங்கள் , தினசரி வாழ்க்கையில் கடைப்பிடிக்க வேண்டிய, உங்களுக்கு பயனளிப்பவை எது என்று, நான் உங்களுக்கு, இன்று கூறப் போகிறேன். உங்களது சொந்தத் தேவைகள் மற்றும் ஆசைகளைப் பொறுத்த வரை, பற்றின்மையை அபிவிருத்தி செய்து கொள்ளுங்கள். ஒவ்வொன்றையும், அத்தியாவசியம் எனும் உரைகல்லில் சோதித்துப் பாருங்கள். உங்கள் வீட்டில் நீங்கள் பொருட்களைக் குவித்துக் கொண்டே போகும் போது, நீங்கள் இருளையும், தூசியையும் தான் பெருக்கிக் கொள்ளுகிறீர்கள்; அதைப் போலவே,உங்கள் மனதிலும், அதிகப் படியான விஷயங்களைச் சேகரித்து வைத்துக் கொள்ளாதீர்கள். குறைந்த சுமையுடன் உங்கள் வாழ்க்கைப் பயணத்தை நடத்துங்கள். வாழ்வதற்கும் மற்றும் ஆரோக்கியத்தைப் பேணுவதற்கும் மட்டும் போதுமானவற்றை வைத்துக் கொள்ளுங்கள். ருசியாக இருப்பதற்கு, பருப்பில் தேவையான அளவு தான் உப்பு இருக்க வேண்டும் ; அதிகமாக உப்பைப் போட்டு, பருப்பைக் கெடுத்து விடாதீர்கள். நீங்கள் மிக அதிகமான அளவு ஆசைகளைச் சேர்த்துக் கொண்டால், வாழ்க்கை தாங்க முடியாத அளவு கடினமானதாகி விடும். உங்களது திறனுக்கு ஏற்ற அளவே உங்களது ஆசைகளை ஒரு வரையறைக்குள் வைத்துக் கொள்ளுங்கள்; அவற்றிலும், நிரந்தரமான ஆனந்தத்தைத் தருவதை மட்டுமே தேர்ந்தெடுங்கள். படாடோபம் மற்றும் பிறரது ஒப்புதலுக்காக அலைந்து திரிந்து, உங்களையே வருத்திக் கொள்ளாதீர்கள். ஆன்மீக முன்னேற்றத்தின் அடிப்படையில், உங்களது வாழ்க்கையை நடத்துவதற்கான, உங்களுக்கே உரித்த விதிமுறைகளைக் கடைப்பிடியுங்கள். பிறரது தேவைகள் மற்றும் சந்தோஷங்களுக்கு, அவற்றை உங்களுடையவைகளை விடவே அதிக முக்கியமானவையாகக் கருதி, முன்னுரிமை அளியுங்கள் !