இந்நாளில், குடும்பத்தில், பெரியவர்களுக்கும், சிறியவர்களுக்கும் இடையே ப்ரேமை இருப்பதில்லை; குழந்தைகள் பெற்றோரை மதிப்பதில்லை. இந்த நல்லொழுக்க வீழ்ச்சி, ஒற்றுமை மற்றும் பலத்தைப் பாதித்து விடும். நல்லொழுக்கத்தின் வீழ்ச்சி என்பது, ராணுவ வீழ்ச்சியை விட மோசமானதாகும்; இது அதிகமான பேரழிவிற்கு இட்டுச் செல்லும். நீங்கள் எப்போதும், ‘’ நான், எனது ‘’ என்பதிலேயே குறியாக இருந்தால், நீங்கள் மற்றவர்களுக்கு எவ்வாறு பயனுள்ளவர்களாக இருக்க முடியும் ? தியாகமே, வாழ்க்கையின் சாரம்; அதுவே சாந்தி மற்றும் சந்தோஷத்தின் ரகசியம். ‘’ கோ’’ என்றால் புலன்கள் ; எனவே, இறைவனது திருநாமங்களில் ஒன்றான ‘’ கோபாலா ‘’ என்பதற்கு, புலன்களைக் கட்டுப் படுத்துபவன் என்று பொருள். அவைகளை ஏன் கட்டுப்படுத்த வேண்டும் ? அவைகள், தியாகத்தின் பாதையில் குறுக்கிடாமல் இருப்பதற்காகவே. அனைத்து புலன்களும், சுயநலம் மற்றும் அஹங்காரம் கொண்டவை. உட்புறமாக, பரமாத்மாவை நோக்கிச் செல்லுமாறு, அவைகளுக்கு, போதிக்க வேண்டும். புலன்களை . கோபாலனிடம் ஒப்படைப்பதன் மூலம் இதை, அடைய முடியும். ஒவ்வொருவரும், நற்கருமங்களைப் புரிந்து, விசாலமான ப்ரேமையின் சாம்ராஜ்யத்தை அடைந்து. அந்த ப்ரேமையிலிருந்து தியாகம், அர்ப்பணிப்பு மற்றும் அந்த ஒரே இறைவனிடம் சரணாகதி ஆகியவற்றின் பாடத்தைக் கற்றுக் கொள்ள வேண்டும்.