தங்களைச் சுற்றி நிகழ்பவற்றின் முக்கியத்துவத்தை ஆழ்ந்து ஆராயாமல், மனிதர்கள் மேலோட்டமான வாழ்க்கை நடத்துகிறார்கள். மனிதர்கள் மட்டும், தங்களது சத், சித் மற்றும் ஆனந்தத்தின் உண்மை நிலையைப் பற்றி தியானம் செய்வார்களேயானால், அனைத்து சத், சித் ஆனந்தத்தின் மூலாதாரத்துடன் உறுதியான உறவை நிலை நாட்ட அவர்களால் முடியும். சுய ஆராய்ச்சியின் முதல் படியையே எடுத்து வைக்காமல், ஒருவர் எவ்வாறு சுயதிருப்தி, அளவற்ற ஆற்றல் மற்றும் ஞானத்தைப் பெற முடியும்? இந்த பூமியில் நீங்கள் வாழும் நாட்களை, ஒரு முள் பாதையாக இல்லாமல், ஒரு மலர் பாதையாக ஆக்கும் சக்தி உங்களுள்ளேயே இருக்கிறது. ஒவ்வொரு இதயத்தினுள்ளும் உறையும் தெய்வீகத்தை உணருங்கள்; வாழ்க்கை இடர் இன்றியும், இதமாகவும், இனிமையாகவும் இருக்கும்.இறைவன், உங்கள் இதயத்திலும், நீங்கள் தொடர்பு கொள்ளும் அனைவரது இதயங்களிலும், ப்ரேமையின் ஊற்றாக இருப்பான். சாயியைப் போற்றுவதைப் போல, அனைவரையும் போற்றுங்கள். நீங்கள் சுகமாக அனுபவிக்க விரும்பும் அதே அளவு சுதந்திரத்தை அடுத்தவருக்கும் அளியுங்கள்; நீங்கள் பிறர் உங்களுக்கு எதைச் செய்ய வேண்டும் என விரும்புகிறீர்களோ, நீங்களும் அதையே பிறருக்குச் செய்யுங்கள். அதுவே அனைத்து ஆன்மீக சாதனையின் சாரமும் ஆகும்.