‘’ நான் இவ்வளவு நிமிடங்கள், இவ்வளவு நொடிகள் இறை நாமஸ்மரணை செய்திருக்கிறேன் ‘’ என்று எண்ணிக் கொண்டு, நாமஸ்ரணையின் போது,நேரத்தைக் கணக்கிடுவதால் எந்தப் பயனும் இல்லை. பக்த மீரா, ‘’ சுவாமி ! ஆழ்கடலில் மூழ்கி உனது தெய்வீகத் திருநாமம் எனும் முத்தை என்னால் பெற முடிந்தது. விலை மதிப்பற்ற இந்த முத்து என் கரங்களில் இருந்து நழுவி, மறுபடியும் கடலில் விழுந்து விடாமல் இருக்கட்டும். இந்த உலகத்தில் பிறந்ததனால், உன் தெய்வீகத் திருநாமத்தை இடையறாது பாடி, எனது வாழ்க்கையை புனிதமாக்கிக் கொள்வேனாகுக ‘’ என பகவான் ஸ்ரீ கிருஷ்ணரை ஆத்மார்த்தமாகப் பிரார்த்தித்தார். பஜனையில் பங்கேற்கும் போது சிலர், ‘’ இன்று எனக்கு உடல் நலமாக இல்லை. எனக்கு ஜலதோஷம் மற்றும் இருமலினால், தொண்டை கரகரப்பாக இருக்கிறது. என்னால் பாட முடியாது .’’ என்று கூறுவார்கள். உண்மை தான், நீங்கள் ஜலதோஷம் மற்றும் இருமலினால், பாதிக்கப் பட்டு இருக்கலாம். ஆனால், கண்டிப்பாக, நீங்கள் உங்களுக்குள் பாடிக் கொள்ளலாமே. அதைச் செய்யுங்கள். அதுவே உங்களுக்குப் போதுமான சக்தியை அளிக்கும். இறைவனது திருநாமம் மிகவும் புனிதமானதாகும்.