அனைத்து நாடுகளிலும், வாழ்க்கைத் தரத்திற்கு முக்கியத்துவம் அளிக்கப் படுகிறதே அன்றி, வாழும் பண்பிற்கு அல்ல.நீங்கள் ஒரு முறை உலகியலான சுகம் எனும் பாதையில் திரும்பி விட்டால், மேலும் , மேலும் அதிகமான அதிருப்தி, போட்டி, தற்பெருமை மற்றும் பொறாமைக்கு இட்டுச் செல்லப் படுவீர்கள். ஒரு கணம் நின்று உங்களது அனுபவத்தை , அதாவது நீங்கள் அதிகப் பணக்காரராக ஆகும் போது, அதிக சந்தோஷமாக இருக்கிறீர்களா; உங்களது தேவைகள் பூர்த்தி ஆனபோது நீங்கள் அதிக சாந்தி அடைகிறீர்களா என்று ஆராய்ந்து பாருங்கள் . ஒரு முன்னேறிய வாழ்க்கைத் தரம், சந்தோஷத்தை உறுதி செய்ய முடியாது என்ற உண்மையை நீங்களே உணர்வீர்கள். அதைப் போலவே, படிப்போ, விஷயங்களில் பாண்டித்யமோ அல்லது திறன்களைப் பெறுவதோ, சமச்சீரான மனநிலைக்கு உத்திரவாதம் அளிக்க முடியாது. உண்மையில், எங்கு பார்த்தாலும், படிப்பறிவு இல்லாதவரை விட, மெத்தப் படித்தவர்களே, அதிகமான அதிருப்தி மற்றும் போட்டி மனப்பான்மை உடையவர்களாக இருப்பதை நீங்கள் காண்பீர்கள். எனவே, உலகனைத்திலும், தர்மத்தை புனருத்தாரணம் செய்வதே, இன்றைய அவசரமான தேவை ஆகும்.