இந்த உடல் (தேஹ), உள்ளுறையும் தெய்வீகத்தை ( தேஹி ) உணருவதற்கான, கருவியே அன்றி வேறில்லை. தேஹியுடன் உங்களுக்கு உள்ள ஒருமையை உணருவதே உங்களது தீக்ஷையாக ( உறுதியான முயற்சி) இருக்க வேண்டும். இந்த முயற்சி, புலன்களின் கட்டுப்பாடும், பயிற்சியுமாக ( நிஷ்டா மற்றும் சிக்ஷணா ), நடைமுறையில் தானே வெளிப்பட வேண்டும். தண்ணீரும், நெருப்பும் தனித் தனியாக ஒரு ட்ரெயினை நகர்த்த முடியாது; இரண்டும் ஒத்துழைத்து மூன்றாவதான நீராவியை உருவாக்க வேண்டும்.நீராவி, இஞ்சினை முன் நோக்கி நகர்த்துகிறது. ஒளியைத் தரும், பெட்ரோமாக்ஸ் விளைக்கை ஏற்றுவதற்கான ஆவியை, மண்ணெண்ணையும், காற்றும் ஒன்றிணைந்து உருவாக்குகின்றன. யோகம் ‘’ சித்த விருத்தி நிரோதா’’ – அதாவது மன அலைச்சல்களை தடுப்பது, என்று விவரிக்கப் படுகிறது. மன அலைச்சல்கள் தடுக்கப் பட்டு, சமச்சீரான மனநிலையைப் அடையும் போது பெற வல்ல ஒன்றிணைப்பு என்றும் பொருள் படுகிறது. கர்ம, பக்தி அல்லது ஞானம் என்ற அனைத்தும், சமச்சீரான மனப்பாங்கை அடைவதற்கு இட்டுச் செல்ல வேண்டும்; இல்லை எனில் அவை அனைத்தும் வெறும் ஒரு பாசாங்கே. மனதை அடக்குவதே, வெற்றியின் குறிக்கோளுக்கு உங்களை இட்டுச் செல்லும்.