தவம் எனும் மலரே( தபஸ் புஷ்பம்) ,இறைவனுக்கு மிகவும் பிடித்த ஒன்றாகும்.தவம், நீங்கள் உங்கள் மனைவி, மக்களை விட்டு விட்டு, காட்டிற்குச் சென்று,தலை கீழாக நிற்க வேண்டும் என்று கூறவில்லை-அதுவல்ல தவம் ! உண்மையான தவத்தைக் கடைப்பிடிக்க, நாம், தீய சிந்தனைகள் தோன்றியவுடனேயே, நமது மனதிலிருந்து அவற்றை உதறித் தள்ள வேண்டும் ! சிந்தனை, சொல் மற்றும் செயலின் ஒருங்கிணைப்பே தவமாகும்.உங்கள் மனதில் எழும் எந்தச் சிந்தனையானாலும், அவற்றை சொற்களாக எடுத்துக் கூறி, அவற்றை உங்களது செயலாகக் கடைப்பிடிப்பதே உண்மையான தவமாகும். இதைத் தான், மறை நால்கள்,’’ மனஸ் ஏகம், வசஸ் ஏகம், கர்மண்யேகம் மஹாத்மனம்- எவர் ஒருவர், தங்கள் சிந்தனைகளை சொற்களிலும், சொற்களை செயலிலும் ஒன்றிணைக்கிறாரோ, அவரே உண்மையில் ஒரு மஹான் ஆவார்’’ என்று எடுத்துக் காட்டுகின்றன. தீய சிந்தனைகளை உங்கள் மனதிலிருந்து நீக்கி விடுங்கள் – அதுவே தியாகமாகும் ! அந்தத் தியாகமே யோகமாகி விடும். சொத்துக்களையும், சொந்த பந்தங்களையும் விட்டு விட்டுக் காட்டிற்குச் செல்வது யோகமல்ல என்பதை நினைவில் கொள்ளுங்கள்!