புத்தகங்களில் இருப்பவற்றையே கூறிக்கொண்டு, சாது வேஷம் போடும் கண்டவர்களின் பின்னால் எல்லாம் அலையாதீர்கள். அவர்களது அன்றாட நடத்தை,நோக்கங்கள்,அவர்களது அறிவுரை மற்றும் அவர்கள் சொல்வதற்கும், செய்வதற்கும் உள்ள தொடர்பு ஆகியவற்றை ஆராய்ந்து பாருங்கள். உங்களது நம்பிக்கையில் திடமாக இருங்கள்; ஏதாவது அசம்பாவிதமாக நடந்து விட்டாலோ அல்லது யாராவது, யாரையாவது பற்றி ஏதாவது கூறினாலோ, உங்களது விசுவாசத்தை மாற்றிக் கொள்ளாதீர்கள் ! உங்களது முதலாவது ஏமாற்றத்திலேயே, சாய்பாபாவின் படத்தை சுவற்றிலிருந்து எடுத்து விட்டு, வேறு ஒரு படத்தை மாட்டாதீர்கள். அனைத்தையும் இறைவனுக்கே விட்டு விடுங்கள்; அவனது ஸங்கல்பத்தின் படியே நடக்கட்டும்- அதுவே உங்களது மனப்பாங்காக இருக்க வேண்டும். கரடுமுரடுகளை நீங்கள் அனுபவிக்கவில்லை என்றால், நீங்கள் எப்படி உரம் வாய்ந்தவர்களாக ஆக முடியும்? ஒளியையும், இருளையும், வெய்யிலையும், மழையையும் ஏற்றுக் கொள்ளுங்கள். ஒரு படம் அல்லது விக்ரஹத்தை படாடோபத்துடன் பூஜிப்பவர்கள் மட்டுமே பக்தர்கள் என்று எண்ணி விடாதீர்கள். எவர்கள் எல்லாம் ஒழுக்கமான பாதையில் நேராகச் செல்கிறார்களோ, அவர்களது சொல் படியே நடக்கிறார்களோ, பார்த்தது படியே பேசுகிறார்களோ, மற்றவர்களின் துயரம் கண்டு மனம் உருகவும், அவர்களது சந்தோஷத்தைக் கண்டு உளம் மகிழவும் செய்கிறார்களோ – அவர்களே உண்மையான , ஏன், மேன்மையான பக்தர்கள் ஆவார்கள்.