நல்லவையோ, கெட்டவையோ, பிறரது கருத்துக்களுக்கு அடிமை ஆகி விடாதீர்கள். உங்களது மனச்சாட்சியின் அடிப்படையில், உங்களுக்கு என்றே ஒரு சொந்த சிந்தனையை வளர்த்துக் கொள்ளுங்கள். தன்னம்பிக்கையை வளர்த்துக் கொள்ளுங்கள். எங்கு தன்னம்பிக்கை இருக்கிறதோ, அங்கு சுய திருப்தி இருக்கும். எங்கு சுயதிருப்தி இருக்கிறதோ, அங்கு சுய தியாகம் இருக்கும். சுய தியாகத்தின் மூலம், ஆத்ம சாக்ஷாத்காரம் எனும் தன்னை உணர்தல் என்ற நிலை வரும். தன்னம்பிக்கையே, கட்டித்தின் அஸ்திவாரம்; அதுவே பூமிக்கு அடியில் இருக்கிறது. சுயதிருப்தி சுவர்களையும், சுய தியாகம் கூரையையும் குறிக்கின்றன; இப்படிப் பட்ட வீட்டில் வாழ்வதே தன்னை உணர்தல் ஆகும். தன்னம்பிக்கை என்ற அஸ்திவாரம் இன்றி, ஆத்ம சாக்ஷாத்காரத்தை அடைய முடியாது. எனவே, தன்னம்பிக்கையை மெதுவாக வளர்த்துக் கொள்ளுங்கள். இந்த வழியில், சீக்கிரமே கிளம்பி, மெதுவாகப் பயணித்து, தன்னை உணர்தல் என்ற உங்களது குறிக்கோளை பத்திரமாக அடையுங்கள். முதன் முதலில் ப்ரேமையை வளர்த்துக் கொள்ளுங்கள். ப்ரேமையை வளர்த்துக் கொள்வது என்பது மற்ற அனைத்து குணங்களை விடவும் எளிதானதாகும். இந்த உலகில் , ப்ரேமையைக் கொண்டு சாதிக்க முடியாதது எதுவும் இல்லை.