“அனைத்து ஜீவராசிகளிடமும் கருணை ‘’ (ஸர்வ பூத தயா புஷ்பம்) என்ற மலரே இறைவனுக்கு மிகவும் பிடித்ததாகும். தெய்வீகம் எனும் விதையிலிருந்து, சிருஷ்ட்டி எனும் மரம் வளருகிறது. இந்த மரத்தில், ஜீவாத்மா என்ற மனிதர்களே பழங்கள் போன்றவர்கள். இந்த பழங்கள் எனும் ஒவ்வொரு மனிதருள்ளும், தெய்வீகம் என்ற விதை இருக்கிறது. ஸ்ரீமத் பகவத் கீதையில் பகவான் ஸ்ரீகிருஷ்ணர்,’’ பீஜம் மாம் ஸர்வ பூதானாம் ‘’ ( அனைத்து ஜீவராசிகளிலும், ஆத்மா உருவில் நான் விதையைப் போன்று இருக்கிறேன் ) என்கிறார்.இறைவனே ஆத்மா ரூபத்தில் அனைத்து ஜீவராசிகளிலும் இருக்கிறான் என்ற உண்மையை உணர்ந்து, அனைவரிடத்தும் கருணையுடன் இருப்பதைத் தான் , இறைவன் உங்களிடமிருந்து ஒவ்வொரு நாளும் எதிர்பார்க்கிறான். சகிப்புத் தன்மை ( க்ஷமா) என்ற புஷ்பத்தை இறைவன் மிகவும் நேசிக்கிறான். அதுவே, உண்மையில்,ஒரு மனிதனின் தலைசிறந்த குணமாகும். பெரும்பாலும் , நீங்கள், ‘’ நான்’’, ‘’ எனது குடும்பம்’’ என்று கருதி, மற்றவர்களை, ‘’ என்னிடம் ‘’ இருந்து வேறுபட்டவர்கள் என்று நடத்தும், குறுகிய சிந்தனைகளை வளர்த்துக் கொள்கிறீர்கள். நீங்கள் உண்மையாக நேசிக்கும்போது, பொறுமையையும், சகிப்புத் தன்மையையும் வளர்த்துக் கொள்கிறீர்கள். அனைத்து ஜீவராசிகளையும் அரவணைக்கும் வண்ணம் உங்கள் ப்ரேமையை விசாலமாக்கிக் கொள்ளுங்கள், அதுவே, சகிப்புத் தன்மையாக பரிமளிக்கும்.