பெரும்பாலானவர்கள்,தங்களைப் பற்றிப் பேசப்பட வேண்டும், புகழப் பட வேண்டும் என்ற அபாயகரமான ஆசையான, ‘’டம்பத்திற்கு ‘’ அடிமையாகி விடுகிறார்கள் ! மக்கள் தங்களது சாதனைகள் மற்றும் திறமைகளைப் பற்றித் தம்பட்டம் அடித்துக் கொள்வதில் சந்தோஷம் அடைகிறார்கள் . அவர்கள் தங்களது பெயர்களும், செயல்களும் கொட்டை எழுத்தில், தினசரிப் பத்திரிக்கைகளில் அனைவரும் காணும் படியாக பிரசுரிக்கப் பட வேண்டும் என விரும்புகிறார்கள். இந்த ஆரவாரத்திற்கு ஆளாகி விடாதீர்கள் ! இது உண்மையில், ஒருவரை கேலிக் கூத்தாகவும், பரிதாபகரமானவராகவும் ஆக்கி விடுகிறது. பத்திரிக்கைகளில் முக்கியத்துவம் பெற வேண்டும் என்று முயலாதீர்கள் . இதற்கு பதிலாக, இறைவனது சாம்ராஜ்யத்தில் தகுதி பெற வேண்டும் எனப் பாடு படுங்கள்; நல்லவர்கள் மற்றும் இறைநாட்டம் கொண்டவர்களின் நட்பு வட்டத்தில் புகழ் ஈட்டி, பணிவிலும், பெரியவர்கள் மற்றும் பெற்றோர்களை மதிப்பதிலும் முன்னேறுங்கள். நீங்கள் எப்போதுமே அரிச்சுவடியில், ‘’ அனா, ஆவன்னா’’ என்று திரும்பத் திரும்பக் கூறுவதிலேயே உழன்று கொண்டு இருந்தால், மறைநூல்களைப் பற்றிய, பண்டிதர்களின் போதனைகளை எப்போது புரிந்து கொள்ளப் போகிறீர்கள் ? ஆன்மீகப் பாடம் என்பது உங்களது புலன்களுக்கு அப்பாற்பட்டது; அவற்றைக் கேட்டு, உங்கள் மனங்களில் போற்றிப் பாதுகாப்பதற்கான சக்தியை நீங்கள் பெற வேண்டும். நீங்கள் அவற்றைக் கடைப்பிடித்து, ஆனந்தமாக வாழ வேண்டும் என நான் விரும்புகிறேன் !