மனக்கண்ணாடியில், தூசு படிந்திருக்கும் போது, எந்தப் பொருளின் உண்மை நிலையையும் அதனால் அறிய முடியாது. மனிதன் தனது உண்மையான சொந்த நிலையை உணர முடியாமல் இருப்பதற்கு இதுவே காரணம்.எனவே, இந்தக் கண்ணாடியின் மாசுக்களை நீக்குவது அவசியமாகிறது.இதை எவ்வாறு செய்வது?ஒருவரது உணவு மற்றும் உல்லாசப் பழக்கங்களை ஒழுங்கு படுத்துவதன் மூலமே. ஒருவர் உண்ணும் உணவு , தார்மீகமான வழிகளில் பெறப்பட்டதாக இருப்பதை உறுதி செய்வது முக்கியம்.இன்று மக்கள் அவதிப்படும் பல வியாதிகளுக்குக் காரணம், அவர்கள் உண்ணும் பல பொருட்களும் அதர்மமான வழிகளில் பெறப்பட்டதால் தான். எனவே, மனதைத் தூய்மைப் படுத்துவதற்கான முதல் தேவை தூய்மையான உணவாகும். ஆனால், எல்லா விதத்திலும், எல்லாக் காலங்களிலும், ஒவ்வொரு உணவின் தூய்மையையும் உறுதி செய்வது இயலாத காரியமாக இருக்கலாம். இந்தப் பிரச்சனையைத் தீர்ப்பதற்கு,உங்கள் உணவை இறைவனுக்கு அர்ப்பணித்து, அதை இறைவனது ஒரு பரிசாக ஏற்றுக் கொள்ளுங்கள். சாப்பிடுவதற்கு முன், இறைவனுக்கு அர்ப்பணிக்கப் படும் உணவு, அவனது பிரசாதமாகி விடுகிறது. உணவில் இருக்கும் அனைத்து மாசுக்களும் இதனால் நீங்கி விடுகின்றன. இது மனதைத் தூய்மைப் படுத்தவும் உதவுகிறது. இந்தப் பழக்கத்தை இடையறாது கடைப் பிடிக்க வேண்டும்.