அவனது சத்தியம், சிவம்,சுந்தரம் மற்றும் சக்தியின் போதுமான பிரமாணங்களை எடுத்துக் காட்டி, நாம் எங்கு நோக்கினாலும், நம்மைச் சுற்றியும், நம்முடனும் இருக்கும் இயற்கையே, இறைவனது அங்கியாகும். ஆனால், அவனை உணருவதற்கான கலை நமக்கு விசித்திரமாக இருப்பதால், நாம் அவனை மறுத்து, அறியாமை எனும் இருளில் வாழ்கிறோம். வெளிப்புறத்தில், நம்மைச் சுற்றிலும், பல ஒலி பரப்பு நிலயங்களில் இருந்து இசை ஒலித்துக் கொண்டே இருந்தாலும், அது நம் செவிகளுக்கு எட்டுவதில்லை.எந்த ஒலி பரப்பு நிலயத்தைப் பற்றியும், நீங்கள் உணருவதில்லை. ஆனால் உங்களிடம் ஒரு ரேடியோவை வைத்துக் கொண்டு,அதை ஒரு சரியான அலை வரிசைக்குத் திருப்பினீர்கள் என்றால், எந்த ஒரு குறிப்பிட்ட ஒலி பரப்பு நிலயத்தின், நிகழ்ச்சிகளை நீங்கள் கேட்க முடியும். அதைச் சரியாகத் திருப்பவில்லை என்றால், செய்திகளுக்குப் பதிலாக, உங்களுக்குத் தொந்தரவு தான் கிடைக்கும் ! அதைப் போலவே, இறைவனும், உங்களுக்கு மேலே, கீழே,உங்களைச் சுற்றி, உங்களுடன், எங்கும் இருக்கிறான். அவனை உணருவதற்கு ஒரு யந்த்ரா ( கருவி) தேவையில்லை, ஒரு மந்த்ரா ( மந்திரம் ) தேவை. தியானமே அந்தச் நிலயத்திற்கான சரியான அலை வரிசையாகும், ப்ரேமையே அதைத் திருப்புவதற்கான குமிழாகும். அந்த அலைவரிசைக்குத் திருப்புங்கள், இறைவனை உணர்ந்து அவன் தரும் ஆனந்தத்தை அனுபவியுங்கள் !