கல்வித் துறையில் பல விதமான முறைகேடுகள் நுழைந்து விட்டன. பள்ளிகள் மற்றும் கல்லூரிகளில் நுழைவதற்கும், மதிப்பெண்கள் மற்றும் பட்டங்கள் பெறுவதற்கும் பணம் கொடுக்கப் படுகிறது. ஆசிரியர், சுவை,நடை, மனப்பாங்கு அல்லது கண்ணோட்டம் ஆகியவற்றை அளிப்பதில்லை: அனைத்தும் புத்தகங்கள், புத்தகங்கள், அதிக புத்தகங்கள், அவ்வளவு தான் .மாணவன் இவற்றை எல்லாம் கல்வி நிறுவங்களுக்கு வெளியே சேகரித்துக் கொள்ள வேண்டி உள்ளது. தகவல்களுக்கும் அவற்றை சேகரிப்பதற்கும் அதிக மதிப்பு அளிக்கப் படுகிறது:தனி மனித மன மாற்றத்தைப் பெறுவதற்கும் , ஒருவரது பழக்கங்களையும் குணங்களையும் திருத்துவதற்கும் எந்த முயற்சியும் மேற்கொள்ளப் படுவதில்லை ! அஜந்தாவின் சுவர் ஓவியங்களைத் தீட்டிய மற்றும் எல்லோராவின் சிற்பங்களைச் செதுக்கிய தலை சிறந்த கலைஞர்கள் அவர்களது தொழிலை எவ்வாறு கற்றுக் கொண்டார்கள்?அவர்கள் ஏதாவது பள்ளிக்குச் சென்றார்களா ? கலைஞர்களுக்கு உத்வேகம் அளிக்க வல்ல தலைமைக் கைவினைஞர்களான ஆசிரியர்களிடமிருந்து ,அவர்கள் கற்றுக் கொண்டார்கள். உண்மையான நல்ல வேலைப் பாட்டிற்கான உத்வேகத்தையும் ,வழி காட்டுதலையும் புத்தகங்கள் தர முடியாது. ஒரு முழுமையான வாழ்க்கை நடத்துவதற்கு, உலகியலான மற்றும் ஆன்மீக அம்சங்கள் ஒன்றிணைக்கப் பட வேண்டும். அதன் பிறகே, ஒருவர் தன்னம்பிக்கையைப் பெற்று, போலித்தனமான பாதையைத் தவிர்க்க முடியும்.