பக்தர்களாக இருக்க விழையும் அனைவரும், ராக, த்வேஷங்களைத் ( விருப்பு, வெறுப்புக்களை )தவிர்த்து விட வேண்டும். உங்களால் மிகச் சிறப்பாகப் பாட முடிகிறது அல்லது உங்களது பூஜை அறை மிக நேர்த்தியாக அலங்கரிக்கப் பட்டுள்ளது என்பதால் கர்வம் கொள்ளாதீர்கள். உங்களது பழக்க,வழக்கங்கள் மற்றும் மனப்பாங்குகளில் ஒரு சீரான முன்னேற்றம் இருக்க வேண்டும்; இல்லை என்றால், ஆன்மீக சாதனை ஒரு வீணான பொழுது போக்கே. வெறுப்பு அல்லது வன்மம், தற்பெருமை அல்லது பொறாமை ஆகியவற்றின் எந்தச் சுவடாலும் பாதிக்கப் படாத, பிரசாந்தத்தால் உங்கள் இல்லங்கள் ஆழ்ந்திருக்க வேண்டும். உங்களது மனம் எனும் தோட்டம், இறைவனுடயது என்று நீங்கள் முடிவு செய்த அந்தத் தருணத்திலிருந்தே அதன் அனைத்து பழங்களும் இனிமையானதாகவே இருக்கும்; நீங்கள் அவனது சரணாகதியை நாடுவதே, அனைத்து பழங்களையும் இறைவனுக்கு ஏற்றுக் கொள்ளத் தக்கதாக ஆக்கி விடுவதால்,அவை கசப்பாக இருக்க முடியாது. தீர்த்தத்தைப் பொறுத்த வரை, துக்கத்தில் அல்லாது, இறைவனுக்கு சேவை செய்வதற்கும், அவனை அடைவதற்கான பாதையில் செல்வதற்கும் கிடைத்துள்ள வாய்ப்பின் பேரானந்தப் பரவசத்தால் சொரியப்படும் கண்ணீரை விடத் தூய்மையான அல்லது விலைமதிப்பற்ற ஒன்று என்ன இருக்க முடியும் ! உங்களது ஆத்ம சாக்ஷாத்காரத்திற்காக இறைவன் இடும் ஆணைக்குப் அடிபணிவதன் பலாபலனை, எந்த ஆராதனை அல்லது தவமும் ஈடு செய்ய முடியாது !