ஆசிரியர்களுக்கும், மாணவர்களுக்கும் இடையே, வற்றாத தூய அன்பின் ஒரு பந்தம் உள்ளது.மாணவர்கள் எந்த ஆசிரியரின் இதயத்தையும் கொள்ளை கொள்ள முடியும்; ஒரு ஆசிரியரும் கூட மாணவர்களின் இதயங்களை வெல்ல முடியும்.நேசிக்கப் படுவதற்கு, நீங்கள் முதலில் பிறரை நேசிக்க வேண்டும்.பாரதீய கலாசாரத்தின் அடிப்படை, ‘’ உண்மையே பேசு, தர்மத்தைப் பின்பற்று ‘’ என்பதாகும். பணிவுடன் இருங்கள்.உங்களால் எப்போதும் உதவி செய்ய முடியாமல் போகலாம், ஆனால், நீங்கள் எப்போதும் இதமாகப் பேசலாமே ! சில சமயங்களில் ஆசிரியர்கள், கண்டிப்புடன் இருக்க வேண்டி வரலாம். அப்படியே இருங்கள்.சந்தர்ப்பத்தைப் பொறுத்து, இறைவன் கூட, ஒரு வைரத்தை விடக் கடினமாக இருக்கக் கூடும். பிற நேரங்களில் அவன் வெண்ணெயை விட மிருதுவானவன்.ஆசிரியர்கள் இந்த தெய்வீக இயல்பைப் புரிந்து கொண்டு, அதை , அவர்களது நடத்தையில் முன்னுதாரணமாக எடுத்துக் காட்ட வேண்டும்.மாணவர்களின் நம்பிக்கையைப் பெற, ஆசிரியர்கள் அவர்களை ப்ரேமையுடன் அணுகி, எந்த வித அச்சமும் இன்றி, அவர்களது தவறுகளைச் சுட்டிக் காட்டி, அவர்களை நல் வழியில் இட்டுச் செல்ல வேண்டும். அதன் பின்னர் மட்டுமே, மாணவர்களும் நல் வழியைப் பின்பற்றி, தங்களது தவறுகளைத் திருத்திக் கொள்வார்கள். ஒரு நாட்டின் முன்னேற்றத்திற்கும், வளமைக்கும், ஒவ்வொரு ஆசிரியரும் தங்களது மாணவர்களை நேசித்து, அவர்களது நற்குணநலன்களை உருவாக்க வேண்டும்.