ஆறு தீய குணங்களான காம,க்ரோத,லோப,மோஹ, மத , மாத்ஸர்யம் ஆகியவை பெரும்பாலான மனிதர்களை சூழ்ந்து கொண்டுள்ளன. விருப்பு, வெறுப்புக்கள் அவர்களைப் பிடித்து ஆட்டி வைக்கின்றன. இதன் காரணமாக, பலர் தங்களது உண்மை நிலையை மறந்து,எல்லா விதமான தற்பெருமைகளால் நிரம்பி உள்ளனர்.அவர்களது பகுத்தறிவு சக்தியை ( விசக்ஷனா-ஞான ) இழந்து, மனிதர்கள் பிறரிடம் எல்லா விதமான தவறான நடத்தைகளிலும் ஈடுபடுகிறார்கள்.சாஸ்திரங்கள்,பக்தியுடனான வழிபாட்டை ( உபாஸனா), இந்தத் தீய குணங்களை விட்டு ஒழிப்பதற்கான ஒரு முறையாக பரிந்துரைக்கின்றன. கடந்த காலத்தின் தூய்மையற்ற சிந்தனைகள் மற்றும் செயல்களின் விளைவாக மனதில் தேங்கியிருக்கும் அசுத்தங்களை நீக்கும் முறையே உபாஸனையாகும். ஏற்றி வைக்கப் பட்ட ஊதுபத்தி, தனது சுகந்தத்தின் மூலம் ஒரு இடத்தில் உள்ள துர்நாற்றத்தைப் போக்குவது போல, இறைநாமஸ்மரணை மனதில் உள்ள அழுக்குகளை நீக்குகிறது. இறையார்ப்பணமாக செய்யும் அனைத்து செயல்களும் நற்கருமங்களே ( ஸத்கர்மா ) என்பதை நினைவில் கொள்ளுங்கள். இப்படிப் பட்ட செயல்களால் மனம் பரிசுத்தமடைகிறது.