“விநாயகர்” என்றால், தனக்குத் தானே தலைவர் என்ற பொருள். மூஞ்சூறே விநாயகரது வாஹனம்.இந்த மூஞ்சூறின், உட்பொருள் என்ன ? மூஞ்சூறு , உலகியலான ஆசைகளில் ( வாஸனாஸ்), நீங்கள் கொண்டிருக்கும் பற்றுதலைக் குறிக்கிறது. மூஞ்சூறு, மிக வேகமாக நகரும்; இருட்டிலும் இதனால் நன்றாகப் பார்க்க முடியும்.விநாயகரது, வாஹனமான இந்த மூஞ்சூறு உங்களை இருளிலிருந்து, வெளிச்சத்திற்கு இட்டுச் செல்கிறது. எனவே, விநாயக தத்துவம் என்பது ஒவ்வொருவருள்ளும் உள்ள அனைத்து தீய குணங்கள், தீய பழக்கங்கள் மற்றும் தீய சிந்தனைகளை நீக்கி,நல்ல குணங்கள், நன்னடத்தை மற்றும் நற்சிந்தனைகளை ஆழமாகப் பதிக்கும், என்று பொருள் படுகிறது. விநாயகரது மற்றொரு பெயர், ‘’ விக்னேஸ்வரர்’’ என்பதாகும். ஈஸ்வரன் என்றால், எண்ணிப் பார்க்கக் கூடிய எல்லா வளங்களையும்- செல்வம்,கல்வி,ஆரோக்யம்,ஆனந்தம்,சௌந்தர்யம்- போன்ற அனைத்தையும் பெற்றவர் என்று பொருள்.விக்னேஸ்வரர் இந்த எல்லா விதமான வளங்களையும் பேணிக் காத்து,உங்களது நியாயமான சந்தோஷத்திற்கு ஏற்படும் அனைத்துத் தடைகளையும் நீக்குகிறார். அவரை வழிபடுவோருக்கு, இந்த எல்லா விதமான வளங்களையும் அளிக்கிறார். எனவே தான், விநாயகர், முதன் முதல் வழிபட வேண்டிய கடவுள் ( ப்ரதம வந்தனா ) என்று வர்ணிக்கப் படுகிறார். இந்த உட்பொருளைப் புரிந்து கொண்டு, அவரை வழிபடுங்கள்.